18 August 2014
22:45 - Мўйноқ дунёнинг энг даҳшатли жойлари рўйхатида
АҚШдаги энг катта хабар агентликларидан бири бўлган Fox (ўзбекчасига - Тулки) Интернетдаги сайтида дунёнинг энг қўрқинчли (ёки, даҳшатли) жойларининг рўйхатини эълон қилибди. Рўйхатга 11 жой киритилган. Бунинг биз учун қизиқлиги – 7-чи ўринга Мўйноқ қўйилганидир.

Аслида, бу жойларни қўрқинчли дейиш ҳам унчалик тўғри бўлмайди. Бу жойларда тарихда ростдан ҳам қурқинчли воқеалар юз берган бўлса ҳам, ҳозир улар билан фақат туристлар қизиқади. Масалан, биринчи ўринда Мексиканинг Қўғирчоқлар ороли деб ҳам айтиладиган Хочимико ороли турибди. Бу ерда қўғирчоқ болалар дарахтларга осиб қўйилган. Ёки Париждаги тахминан 6 млн кишининг суяги ётган катакомбалар 5-чи ўринда.

Юқорида айтганимиздек, бу рўхатда 7-чи ўрин Мўйноққа берилган. Дунёнинг бошқа қўрқинчли жойларидан фарқли ўлароқ, қуриб бораётган Орол денгизи бўйидаги Мўйноқ тарихий қўрқинч жойи эмас, бугуннинг қўрқинч жойидир. Аммо, табиий, у билан ҳозир туристларнинг иши йўқ. Балки, бир неча юз йилдан кейин бу ерга туристлар оқиб келар.

Ана ўшанда Ўзбекистоннинг иқтисоди тирилишга бошлар.
« Олдинги хабар Хабарлар рўйхати Кейинги хабар »