24 July 2014
18:28 - Украина ва унинг атрофида бўлаётган воқеалар ҳақида
Бугун бу мамлакатнинг парламенти Олий Рададаги номи “Епропа танлови” бўлган кўпчлик коалицияси тарқалаб кетди. 450 кишилик парламентда 262 депутатни бирлаштирувчи коалициянинг тарқалиши ҳамма билан келишиб қилинганга ўхшайди. Украина Конституциясига кўра, 30 кун ичида янги кўпчилик коалицияси тузилмаса, мамлакат президенти вақтидан аввал парламент сайловлари тайинлайди. Демак, коалициянинг мақсади – янги парламент сайлаш ва ҳозирги парламентда анчагина депутатлари бўлган руспарсат Регионлар Партиясидан қутилиш.

Коалиция тарқалгандан кейин бир неча соат ўтар-ўтмас, Бош вазир Арсений Яценюк ҳам истеъфосини эълон қилди. Тахмин қилиш мумкинки, Президент Петр Порошенко истеъфони қабул қилади ва унга сайловларгача Бош вазир вазифасини бажариб туришни топширади.

Шу кунларда Донецк устида уриб туширилган Малайзия учоғида ҳалок бўлган йўловчиларнинг жасадлари ёки уларнинг парчалари кеча Голландига етиб келди. Учоқдаги “қора қути” ҳам келган. Энди ҳамма нарсани ўрганиш ва учоқнинг уриб туширилиши билан боғлиқ бўлган воқеаларни ўрганиш босқичи бошланди. Лекин, Ғарбнинг фикри, худди “Ҳаракат” Агентлигининг фикри каби аниқ – учоқ сепаратистлар тарафидин уриб туширилган, аммо асосий айбдор Россиядир.

Донецк ва Луганск вилоятларида Украинанинг расмий кучлари билан маҳаллий руспараст сепаратист-террористлар ўртасидаги уруш давом этмоқда. Хабарларга кўра, расмий кучларнинг қўли баланд ва улар террористларни секин-аста шаҳарча ва қишлоқлардан сиқиб чиқаришмоқда. Яқин кунларда Луганск шаҳрининг ҳам тақдири ҳал бўлса керак.

Ғарбнинг сакциялари остида эсанкираб қолган Владимир Путин Украина жанубига Россия армиясини олиб киришдан қўрқмоқда. Демак, сапаратист-террористларнинг куни битган.

Дарвоқе, бугун ЕИга кирувчи давлатлар Россияга қарши янги санкциялар эълон қилиши кутилмоқда.

Расмда – Олий Радада кўпчилик коалицияси тарқалгани эълон қилинган пайт.
« Олдинги хабар Хабарлар рўйхати Кейинги хабар »