24 July 2014
15:47 - Халифаликда ислом қонунларига кўра аёлларни ҳам суннат қилишмоқчи
Ҳозирча Ироқ ва Суриянинг бир қисмида ҳукмдорлик қилаётган “Ироқ Левант Исломий Давлати” (ИЛИД) номли қуролланган суннийлар гуруҳи ўзини Халифат (Халифалик ҳам дейишади) деб эълон қилгани, Халифалик 5 йил ичида ҳозирги Испания ва Португалия, Африканинг шимоли, Яқин Шарқ, Ўрта Осиё, Афғонистон ва Покистон ҳудудларигача кенгайишини иддао этгани, бу халифаликда Ислом қонунлари ишга туширилиб, зино қилишда айбланган бир аёл тошбўрон қилингани ҳақида аввал хабар бергандик.

Энди маълум бўлишича, бу Халифатда яна бошқа исломий қонунлар ҳам ишга туширилмоқда. Туркиядаги чиқадиган “Миллиёт” газетаси БМТнинг Ироқдаги вакилига асосланиб хабар беришича, бугундан эътиборан Халифаликда ёши 11 билан 46 орасида бўлган аёлларни суннат қилиш бўйича фатво эълон қилинган. Фатвога кўра, кўрсатилан ёшдаги ҳамма аёлларнинг жинсий органида суннат деб аталадиган операция қилинади.
« Олдинги хабар Хабарлар рўйхати Кейинги хабар »