18 February 2023
12:48 - Юсуф Жума: НЕЧУН ШОНДАН ТЎЛГАН ЮРТ ҚОНДАН ТЎЛГАН - ЧУНКИ ОРАМИЗДА ПИРСИЁН БЎЛГАН…
Не боис енгилди Хева - Хоразм,
Шон билан тўлган юрт қон билан тўлган?!
Нечун қумга сингди қадимий қавм -
Чунки орамизда пирсиён бўлган.

Кўклар Бухородан паст эди ахир,
Тупроғида Тангри ёғдуси кулган.
Не боис қарғишга йўлиққан Амир,
Чунки орамизда пирсиён бўлган.

Ёвга дарвозани очган шу гала,
Самарқанд топталди, эл озди йўлдан.
Не боис қирилди бўлмаган далла,
Чунки орамизда пирсиён бўлган.

Гар қўрғон бўлмаса барингга номус,
Сени ер ютишга ҳозир - тайёрдир.
Орангдан бошингга чиқардинг, улус,
Эгилган бошингда пирсиён бордир…

2023 йил, 18 февраль
« Олдинги хабар Хабарлар рўйхати Кейинги хабар »