25 June 2020
01:21 - Яна анти-сенсация: Нью-Йорк Фондлар Биржаси ва АҚШ иқтисодиётининг асосий кўрсатгичи бўлган Dow Jones индекси кеча 24 июнь куни 710 поғона пастга тушиб, 25 минг 446 бўлди
Хабарларимизни ўқиб бораётган ўқувчиларимиз билишадики, ҳар иш куни Нью-Йорк Фондлар Биржаси ва АҚШ иқтисодиётининг асосий кўрсатгичи бўлган Dow Jones индекси қандай ўзгариб бораётганини кузатиб келмоқдамиз. Чунки, АҚШ ўз иқтисодиётининг кучи билан дунёда етакчи роль ўйнаб келаётган экан, Dow Jones каби индексларни кузатиб бориш муҳим эди.

Эслатиш керакки, 23 июнда Dow Jones индекси 131 поғона юқорига чиқиб, 26 минг 156 бўлганди, кеча 24 июнда эса, 710 поғона пастга тушиб, 25 минг 446 бўлди. Аммо, унутмайликки, бундай кутилмаган ўзгаришлар Dow Jones индексининг зиг-заглик касаллигидир.

Хуллас, Dow Jones индекси сўнги марта жорийдаги йилнинг 12 февраль куни 29 минг 551 га чиқиб, охирги тарихий рекордни ўрнатган эди. Демак, ўша рекорд даражага қайтиб чиқиш учун Dow Jones индекси энди тахминан 4,1 минг поғонага кўтарилиши лозим. Кечагина 3,4 минг ҳақида гапирган эдик.

Билмаганлар учун ҳам эслатиш керак, АҚШдаги Dow Jones индексининг аҳволи бутун дунё иқтисодиётида ҳам ўзини кўрсатади. Демак, "яхши ният - ярим мол" эканлигини унутмайлик.

Кўраяпмизки, АҚШда ҳам коронавирус пандемияси юқори нуқтадан зиг-загли бўлса ҳам тушиб бормоқда. Шундай экан, Dow Jones индексининг сўнги кунлардаги зиг-загли ўзгаришлари ҳам яхшигина ютуқдир. Ҳақиқий воқеалар қандай бўлишини келаётган кунларда кўрамиз.
« Олдинги хабар Хабарлар рўйхати Кейинги хабар »