21 September 2019
07:15 - Кутилмаган хабарлар: АҚШ Хитойдан олинаётган 400 маҳсулотга божларини оширди, Хитой расмийлари ниманидир баҳона қилиб, дарҳол АҚШ билан музокараларни тўхтатдилар
АҚШ оммавий ахборот воситалари Хитойдан олинаётган 400 хил маҳсулотга божлар оширилганини кеча эрталабдан хабар қилдилар. Демак, бунақа қарор пайшанбадан жумага ўтар кечаси қабул қилинган.

Бу хабарнинг кутилмаганлиги шундаки, АҚШ-Хитой савдо уруши авжланиши иккала давлат иқтисодиётининг оёғига болта уруш бўлгандан сўнг, икки мамлакат расмийлари Вашингтонда музокаралар бошлашган эди. Аммо, 2 кун ўтар-ўтмас, Доналд Трампнинг ҳукумати 400 хил маҳсулотга божларни ошириш қарорини эълон қилди. Кутилмаган хабардан эсанкираб қолган Хитой ҳайъати, унинг раиси Хитой Молия вазирининг ўринбосари Лиао Мин, кеча қандайдир баҳоналарни рўкач қилиб, Хитойга қайтишини эълон қилди.

Тахмин қилиш мумкинки, Хитой расмийлари савдо урушни тугатиш учун жиддий қадамлар қилишдан қочганлар. Натижада, икки мамлакат ўртасидаги савдо уруши қайтадан оловланишга бошлаган.

Воқеалар шу йўналишда кетаётгани кеча Нью-Йорк Фондлар Биржасининг асосий кўрсатгичи бўлган Dow Jones индекси ортиш ўрнига тушига бошлаганидан кўринмоқда эди. Кечқурун биржа бекилганда Dow Jones индекси 160 поғанага, яъни 0,59 фоизга тушгани ва 26 минг 935 бўлиб қолгани маълум бўлди.

Кеча жума, яъни ҳафтанинг охирги иш куни эди. Энди шанба ва якшанба кунлари Фондлар Биржаси ишламайди. Демак, Dow Jones индекси билан боғлиқ жараёнлар қандай давом этишини янаги ҳафта кўрсак керак.
« Олдинги хабар Хабарлар рўйхати Кейинги хабар »