18 February 2019
15:37 - Ўзбекистон Марказий Банки сўмнинг бошқа валюталарга нисбатан 19 февралда кучга кирадиган курсларини эълон қилди, долларнинг қиймати бироз тушибди
Марказий Банк сўнги йиллардаги анъанасини давом эттириб, 2019 йил 19 февралдан бошлаб валюта операциялари бўйича бухгалтерия ҳисоби, статистик ва бошқа ҳисоботларни юритиш, шунингдек, божхона ва бошқа мажбурий тўловлари учун хорижий валюталарнинг сўмга нисбатан янги қийматларини эълон қилди. Мана баъзибир валюталарнинг сўмга нисбатан тайинланган янги ва аввалги ҳафтадаги (қавс ичида) курслари:

1 АҚШ доллари – 8392,20 сўм (8395,14 сўм)

1 ЕВРО – 9473,11 (9510,03)

1 Россия рубли – 126,25 (127,67)

1 Хитой юани – 1239,98 (1245,09)

1 Қозоқ тенгеси – 22,25 (22,25)

Кўриб турибмизки, долларнинг курси 2,94 сўмга тушган. Бошқа валюталарнинг курси ҳам бироз тушган, фақат қозоқ тенгесининг курси ўзгармаган.

Нима бўлганда ҳам, биз учун муҳим бўлгани, дунёни бошқараётган долларнинг курси бироз тушгани, сўмнинг қиймати бироз юксалгани. Ўтган йилнинг биринчи ярмида Ўзбекистон Марказий Банки 900 млн доллар сарфлаб сўмнинг курсини орттириб борган, аммо йилнинг 2-чи ярмида сўмнинг қиймати кескин тушиб кетган эди. Шу кунларда Марказий Банк ўтган йили сўмнинг курсини мустаҳкамлаш учун 3,8 миллиард доллар ишлатганини айтишга бошлади. Демак, 2018 йилнинг 2-чи ярмида 2,9 миллиард доллар ишлатилган, аммо айнан ўшанда сўмнинг курси кескин тушиб кетган эди.

Аммо, қуйидаги саволларга жавоб йўқ. Нима, 2,9 миллиард доллар ишлатилмаса, сўмнинг курси бундан ҳам дабдала бўлармиди. Сўнги 2 ҳафтада сўмнинг курси бироз бўлса ҳам юксалишининг сабаби нима?

Келаётган 19 март куни Миллий Уйғониш Кунининг 30 йиллигини нишонлаш учун Мустақиллик Майдонига чиқиш ва Шавкат Мирзиё ҳамда унинг тожиклар режимидан сўмнинг қийматини мустаҳкамлаш, бунинг учун Ўзбекистонда фундаментал ислоҳотлар бошлашни талаб қилиш керак.
« Олдинги хабар Хабарлар рўйхати Кейинги хабар »