Шу йил 3 февралда “Доналд Трамп АҚШ Конгрессига Мурожаатида ўзбекларнинг одати бўйича “кўз тегмасин” демаганди, фондлар бозорини жин урди. Ўзбеклар майдонларга чиқинг!” сарлавҳали хабаримизда Доналд Трамп 2016 йил 8 ноябрда АҚШдаги президент сайловларида ғалаба қозонган кунидан бери Нью-Йорк фондлар биржасининг асосий кўрсатгичи бўлган Dow Jones индекси тўхтовсиз тарихий рекордлар ўрнатаётгани ва ортиб бораётганини, аммо, охирги кунларда тўсатдан Dow Jones индекси тушишга бошлаганини айтар экан, кейинги ҳафталарда вазият тикланишга бошласа керак деб башорат қилган эдик.

Ҳа, 26 январда навбатдаги тарихий рекорд ўрнатиб 26 минг 616 га чиққан Dow Jones индекси кутилмаганда ўпирилишга бошлаб, 8 февраль куни 23 минг 860 га тушганди. Яъни, Dow Jones индекси 2 минг 766 поғанага чўкканди. Dow Jones индекси АҚШдаги 30 та энг катта ширкатлар акцияларининг ўртача нархи эканлигидан келиб чиққан АҚШнинг йирик ахборот воситалари ҳам мамлакат иқтисоди жиддий хавф остонасига келаётганини гапирсалар, баъзибир ваҳимачилар АҚШнинг ўлими яқинлашаётганини айтишгача бордилар.

Аммо, ҳамма нарса биз башорат қилгандек бўлди. 9 февралдан Dow Jones индекси ортишга бошлади ва жорийдаги ҳафтанинг охирги иш куни, яъни кеча, 25 минг 219 га чиқди. Шундай қилиб, 2 минг 766 поғана ўпирилиб тушган Dow Jones индекси 1 минг 369 га юксалди. Соддароқ қилиб айтсак, ўпирилишнинг ярмиси тикланди. Тахмин қилиш мумкинки, агар осмон ўпирилиб тушмаса, тахминан яна бир ҳафтадан кейин Dow Jones бутунлдай тикланади.

Биз сўнги йилларда кўп марта такрорлагнимиздек, АҚШда ишлаётган ўзбеклар ҳам, бошқа мамлакатлардагилар ҳам, фондлар биржаси/бозорида кетаётган жараёнлар билан қизиқишлари, қўл билан ушлаб бўлмайдиган, кўзга кўринмайдиган Dow Jones каби индекслар билан яшашни ўрганишлари, пулларини фақат банкларда эмас, ФОНДЛАР БОЗОРИНИНГ АКЦИЯЛАРИДА ҲАМ САҚЛАШНИ ЎРГАНИШЛАРИ ЛОЗИМ. Чунки, пулни фондлар биржасининг акцияларида ушлаганлар пулини банкда ушлаётганларга нисбатан жуда кўп фойда оладилар.

Яна эслатмоқчимизки, Ўзбекистонимизни ҳозирги ғариб, аянчли аҳволдан олиб чиқиш учун, биринчи навбатда, катта хусусий тадбиркорликка йўл бериш, катта бойлар, яъни инвесторлар синфи яратиш йўлидаги тўсиқларни олиб ташлаш лозим. Айни замонда, ҳақиқий фондлар биржаси, яъни катта хусусий ширкатларнинг акциялари ҳам сотиладиган бозор/биржа яратилиши, бундай бозорнинг Dow Jones каби индекси бўлиши керак.

Шундай индекс бўлса, Шавкат Мирзиё халқни алдаб, фаровонлигимиз ўсиб бораётгани ҳақида лофлар айтолмайди. Чунки, аҳволимиз қанақалигини Dow Jones каби индекс ҳам кўрсатиб туради.

Хўш, Шавкат Мирзиё шундай қадамлар қиладими, ёки халқ майдонларга чиқиб, шундай қилиш талабини ўртага отишини кутиб ўтираверадими? Демак, ўзбеклар майдонларни тўлатиб митинг-намойишлар ўтказишга тайёрланаверишлари керак.

Расмдаги графикда шу ҳафтанинг иш кунлари Dow Jones индексининг зиг-загли ортиб боришини кўрмоқдасиз.