“Озодлик” радиоси билдиришича, Ўзбекистон Миллий Хавфсизлик Хизматининг Коррупция ва уюшган жиноятчиликка қарши кураш бошқармаси бутунлай тугатилган. Бундай ислоҳот МХХнинг кўчадаги пистакашдан тортиб, Бош вазиргача - барчани коррупция сиртмоғи билан террор қилиб келгани боис амалга оширилгани айтилмоқда.

Шунингдек, Ички Ишлар Вазирлиги Жиноят қидирув бош бошқармасининг коррупцияга қарши кураш ваколатларини ошириш ўйланмоқда эмиш. Коррупцияга қарши кураш бўйича тизим назорати Ўзбекистон Бош прокуратураси ваколатига киритилган.

Қаранга, бу хабар одатдагидек МХХ тарафидан ўзининг қўғирчоғи бўлган “Озодлик” радиоси орқали тарқатилибди. Бу МХХ ва мавжуд ҳукуматдаги аҳмоқларга қанақа қилиб тушунтирса бўларкин, диктатура бор экан давлат порахўрлик ва коррупция ботқоғида ботаверади. МХХда бундай бошқарманинг борлиги ҳам, тугатилиши ҳам, эътиборга лойиқ бўлмаган нарса. Порахўрлик ва коррупцияни кескин камайтиришнинг ягона йўли – демократиядир.