Жума куни кечқурун АҚШнинг Жанубий Королина штатида ёпиқ залда Республикачилар Партиясининг президентликка номзоди бўлиш учун курашаётган Доналд Трамп ўз тарафдорлари билан учрашув ўтказаётганда бўлган воқеа Reuters агентлиги тарафидан шундай ёритилади.

Шимолий Королина штатида яшайдиган ва стюардесса бўлиб ишлайдиган 56 ёшли Розе Ҳасан исмли мусулмон аёл Доналд Трамп билан тарафдорларининг митингига ҳижобга ўралиб келибди ва ҳеч нарса демасдан, оёқда туриб ўзича сукунатли норозилик акцияси ўтказибди. Унинг тишортига "Salam. I come in peace" (Салом. Мен тинчлик учцун келдим) сўзлари ёзилган ва "Muslim" (Мусулмон) сўзи ёзилган қоғоз ёпиштирлган экан. Атрофдигилар у аёлга қарши бир нарсалар гапиришга, баъзилар ҳатто бақиришга бошлашгач, хавфсизлик хизмати ходими унинг олдига келибди ва ҳеч қандай қўполлик қилмасдан, аммо ҳеч қандай эътирозга эътибор бермаслигини кўрсатиб, аёлни залдан чиқариб юборибди.

Маълумки, сайловчилар билан аввалги учрашувларида Доналд Трамп мусулмонларни АҚШга киритмаслик кераклиги ҳақида ҳам гапирганди. Қолваерса, жаҳонда исломий терактлар кўпайиб кетгани туфайли, мусулмонларга терророистлардек қараш кучайиб бораётган пайтда Розе Ҳасан исмли мусулмон аёл АҚШдаги демократик муҳитдан фойдаланиб бундай норозилик акцияси ўтказишга ҳаракат қилиш мутлақо мантиқсизлик бўлган.

Ҳозир дунёда бўлаётган жараёнлар шу йўналишда кетаверса, яқинда мусулмонларни ҳамма ердан ҳайдашга бошлашади. Бундан қутилишнинг ягона йўли - Исломда фундаментал ислоҳотлар ўтказиш ва мусулмонларнинг ўта салбий имижини яхшилашдир.