Бу мамлакатнинг оммавий ахборот воситаларида Туркия 86 мамлакат фуқаролари учун визасиз кириш тартибини ЕИга келаётган муҳожирлар оқимини тўхтатиш мақсадида ва ЕИ билан келишилган ҳолда келаётган июнь ойидан бекор қилиб, виза тартибини тиклаши ҳақида хабар қилинди. Аммо, аслида бундай қарор ЕИнинг талаби билан бўлганига ҳеч қандай шубҳа йўқ.

Хабарларда бу 86 мамлакатнинг рўйхати берилмаган, аммо Туркияга визасиз келаётганларнинг сони энг кўп бўлган 10 мамлакат Россия, Гуржистон, Эрон, Украина, Озорбайжон, Қозоғистон, Ливан, Сербия, Туркманистон ва Македония эканлигини айтилган. Маълум бўлишича, ўтган йили Туркияга чет эллардан сал кам 35 миллион турист келган, уларнинг 30 фоизи ўша 10 мамлакатдан. Бу 10 мамлакат ичида биринчи ўринда Россия турибди.

Қашшоқ Ўзбекистондан Туркияга туристлар кўп келмаслигини шундоқ ҳам тахмин қилса бўларди, аммо Туркияга визасиз кириш тартиби жорий этилаётган 86 мамлакат ичида Ўзбекистон бор йўқлиги маълум эмас.

Аввалги хабарларимиздан маълумки, айнан “Бирлик” Партияси лидери Абдураҳим Пўлатнинг таклифи билан Туркия ўзбекистонликларга 2008 йили визаларни йўқ қилган ва ўшандан кейин ўзбек меҳнат муҳожирларининг Туркияга оқими жиддий ўлчовда ортган эди. Агар Туркия виза жорий қилса ва Россияда иқтисод ўта ёмонлашаётгани ҳисобга олинса, ўзбек меҳнат муҳожирлари учун жуда ёмон бўлади.