04 January 2016
19:43 - Янги йил латифаси: Ўзбекистонда фуқаролар ҳукумат мажлисларида бемалол иштирок этиши мумкин
Бугун маҳаллий матбуотда тарқалган хабарга кўра, ҳамюртларимиз бундан кейин давлат ҳокимияти ва бошқаруви органларининг очиқ мажлисларида бемалол иштирок этиши мумкин экан. Бу ҳақда Ҳукуматнинг “Ўзбекистон Республикасининг “Давлат ҳокимияти ва бошқаруви органлари фаолиятининг очиқлиги тўғрисида”ги Қонунини амалга оширишга қаратилган комплекс чора-тадбирлар ижроси тўғрисида”ги қарорида айтилган.

Унга кўра, давлат ҳокимияти органлари очиқ коллегиал тадбирларнинг ўтказилиш режаларини тегишли ва махсус ажратилган ўринларда жойлаштириши лозим. Режада кун тартиби, тадбирнинг ўрни ва вақти кўрсатилиши лозим. Эълон йиғилиш ўтказилишидан камида 3 кун олдин жойлаштирилиши керак. Йиғилишда иштирок этишни истаган фуқаролар ариза билан мурожаат қилишади ва уларнинг иштироки таъминланади. Фақатгина мажлисларни сурат ва видеога олиш таъқиқланади.

Ҳеч қандай шубҳа йўқки, бу тадбир амалга оширилади, аммо режимнинг ўзи танлаган одамларгина йиғилишларда иштирок эттиирилади. Яъни, давлат даражасига чиқарилган масхарабозлик яна ҳам кенгайтирилади.
« Олдинги хабар Хабарлар рўйхати Кейинги хабар »