Кундалик хабарлар - 12 August 2016

• 21:05ИШИДг билан боғлиқ бўлган 5 нафар самарқандлик қамалди

  Жиноят ишлари бўйича Самарқанд вилоят суди ИШИД гуруҳига алоқадорликда айбланган 5 киши устидан ҳукм ўқиди. Самарқандлик 23 яшар Икром Абдусатторов ҳамда 55 яшар Руслан Бекчитаев одамларни Москва орқали Сурияга жўнатишга бош-қош бўлгани боис 13 йилга озодликдан маҳрум қилинган. Исми айтилмаётган аёл киши 10 йилга ва яна ИШИД сафларига қўшилганликда гумонланган 2 нафар шахс 9 йилга қамоққа жўнатилган. Мазкур хабар бир қанча маҳаллий веб нашрлар орқали тарқатилди ва уларнинг барчасида тафсилотлар...

• 20:20Бугунги ўзбеклар: Москвада яна бир ҳамюртимиз чақалоғини сотаётганда ҳибсга олинди

  Балоғатга етмаган ҳамюртларимиздан бири туғиб, Москва вилоятида туғилган чақалоғини самаралик аёлга 150 минг рублга сотаётган пайтда ҳибсга олинди. Бола олди-бердиси билан шуғулланган иккала аёлга нисбатан ҳам жиноят иш қўзғатилган. Маълум бўлишича, 2016 йилнинг февралида 16 яшар бўлажак она боласини туғилганидан кейин бошқа оилага сотишга қарор қилиб, интернетда эълон беради. Самара вилоятида яшовчи харидор августдаги савдо устида қўлга олинади. “Россия Тергов қўмитаси Москва вилояти Люберцы...

• 19:44Ташқи ишлар вазиримиз АҚШ элчисини қабул қилди ва масхарабозча хабар тарқатди

  Ўзбекистон Ташқи ишлар вазирлигининг сайтида: “2016 йилнинг 11 август куни Ўзбекистон Республикаси Ташқи ишлар вазири Абдулазиз Камилов Америка Қўшма Штатлари Фавқулодда ва Мухтор Элчиси Памела Леора Спратленни қабул қилди. Бўлиб ўтган суҳбат чоғида Ўзбекистон - АҚШ муносабатларининг долзарб масалалари, жумладан бўлажак икки томон учрашувларининг жадвали ва мазмуни муҳокама қилинган” дейилади. Мазкур хабарни айнан АҚШ элчиси қабул қилинган бошқа саналардаги хабарлар билан солиштирган мухбирим...

• 21:58Қамчиқ довонидаги чала йўллар қурилиши озарбойжонларга топширилди

  Қамчиқ довонининг 74 километрлик йўли қурилиши 4 йил аввал Испаниянинг "Корсан Корвиам Констракшн СА" ширкатига топширилгани, бир неча ой олдин бу ширкат “техник регламентни қўпол равишда бузганлик”да айбланиб, йўл таъмиридан четлатилгани хусусида хабар қилиб, ўзбек расмийлари испан йўлсозларини судга берганини таъкидлагандик. “Ўзавтойўл” ширкати хабарига кўра, испан йўлсозларининг ишини давом эттириш мақсадида тендер ўтказилибди ва бу танловда озарбойжонлик мутахассисла...

• 21:16Россияда оғуфуруш ҳамюртларимиз судланмоқда

  Бир қатор ўрис нашрлари Россия ҳудудида катта миқдордаги героин савдоси билан шуғулланганликда айбланаëтган олти нафар ўзбекистонлик оғуфурушларнинг иши судга ўтгани хусусида хабар қилмоқда. Москва вилояти Химки шаҳар суди қора курсисида ўтирган 23 яшар Шоҳруҳ Ҳазратқулов¸ Маъмура Аҳмедова¸ 20 яшар Ботиржон Файзуллаев¸ Умиджон Маҳмудов ва Далержон Қосимовлар¸ шунингдек 21 яшар Шаҳриëр Маҳмуджоновлар уюшган жиноий гуруҳ таркибида катта миқдордаги ноқонуний наркотиклар савдоси билан шуғулланишга у...

• 20:52Куннинг латифаси: Ўзбекистон режимбошиси ўзига матбуот котиби тайинлабди

  Ўзбекистон Ташқи ишлар вазирлиги сайтида пайдо бўлган хабарда таъкидланишича, Авазбек Ҳожиматов деган кимса Ўзбекистон президентининг матбуот котиби этиб тайинланибди. Бу одам журналистикадан бирмунча узоқ бўлиб, бундан аввал Ташқи ишлар вазирлиги тузилмаларида ишлаган. Ўзбекистон президенти матбуот котиби лавозимини шу пайтгача бошқариб келган Баҳодир Эргашев эса, ўтган йилнинг августида Ташқи ишлар вазирлиги қошидаги “Жаҳон” ахборот агентлиги раҳбари этиб тайинланган экан. Сўнгги бир й...

• 20:25Масхарабозлик руҳидаги хабар: Бош вазир ўринбосарлигига Техник Университетдан одам олиб келинди, Университетга Бош вазирлик одам берди

  Бугун Ўзбекистон Президенти Ислом Каримнинг қарори билан Мажид Каримов Ўзбекистон Бош вазири ўринбосари этиб тайинланди. Шу пайтга қадар Тошкент Давлат Техника Университети ректори бўлиб ишлаб келган бу 60 яшар профессор техника фанлари доктори илмий даражасига эга. У оддий порахўр эканлигига ҳеч қандай шубҳа йўқ. Бу тайинлов ҳақида хабар қилган барча маҳаллий нашрлар бу одамнинг ҳукуматдаги қайси йўналишни қабул қилиб олгани, у айнан кимнинг ўрнига тайинлангани ҳақида лом-мим демаганлар. Эҳтим...

• 19:33Украина Қримда террор масаласини БМТнинг Хавфсизлик Кенгашида муҳокама қилинишига эришди

  Россия расмийлари, жумладан, Президент Владимир Путин Қримда террористик актлар қилиш учун гўёки Киевдан юборилган диверсантлар гуруҳи 7 август куни кечаси Қримнинг Армянск туманида ушлангани ҳақида гапиришга бошлаганларидан кейин, Украина бу иддаоларни расман ёлғонлаган ва бу масалани БМТнинг Харфсизлик Кенгаши мажлисига олиб чиқишга ҳаракат бошлашга тайёр эканлигини эълон қилган эди. Ҳозир айнан шундай бўлмоқда. Украинанинг талаби билан БМТнинг Хавфсизлик Кенгаши шу дақиқаларда бу масалани ...

• 09:19Сенсация эмас: Ислом терроризми Канадагача етиб борди

  Канадада фаолият юритувчи CBC News агентлиги хабар қилишича, 24 яшар Арон Драйвер (Aaron Driver) исмли ИШИДчи йигит Онтарио шаҳрининг яқинидаги Стратрой шаҳарчасида полиция тарафидан отиб олдирилган. У ўз тайёрлаган бомбани одамлар кўп бўладиган жойда портлатишга тайёрланаётгани полицияга маълум бўлгач, кеча кечқурун отиб ташланган. Хабарда айтилишича, Арон Драйвер ИШИД тарафдори эканлиги 2014 йилдаёқ маълум бўлган ва у 2015 йилнинг июнь ойида ҳибсга олинган, аммо полиция назорати остида туриш ...

• 07:42Эрдўғоннинг ташрифи Путинни рағбатлантирди, Россия Украинани Қримда терактлар тайёрлашда айблади

  Кеча аввал ўрисларнинг Федерал Хавфсизлик Хизмати (ФХХ - собиқ КГБ), кейин Президент Путиннинг ўзи Қримда террористик актлар қилиш учун гўёки Киевдан юборилган диверсантлар гуруҳи 7 август куни кечаси Қримнинг Армянск туманида ушлангани ҳақида гапирдилар. Гуруҳни қўлга олиш пайтида бир ФХХ офицери ва яна бир ҳарбий ҳалок бўлибди. Ўша ерда 20 та қўлда қилинган парлатгич, қурол-аслаҳа ва Украина армиясининг махсус хизматлари ишлатадиган қуроллар топилибди. Қўлга олинганлар 7 киши экан. Путин бу...