11 March 2013
05:34 - Ҳамма ер Ўзбекистонда каби эмас: Англияда 4 эгизак туғган аёлнинг бахти
Ҳамма биладики, ҳозир аёл ҳомиладор бўлгандан кейин маълум вақт ўтгач, у нечта бола туғиши, болаларнинг жинси қандай бўлишини аниқлаш мумкин. Англияда Эмма исмли аёл 4 нафар ўғил туғиши маълум бўлгач, докторлар аёлнинг умуий ҳолидан келиб чиқиб, тўрт соғлом бола туғилмаслигини тахмин қилишибди ва болаларнинг иккитасини аборт йўли билан олиб ташлашни таклиф қилишибди. Эмма “болаларимнинг иккисини ўзим танлаб ўлимга юбораманми?” деб докторларнинг таклифини рад этибди. Вақти келиб у 4 бола туғибди. Уларнинг ҳаммаси соппа-соғлом.

Шу кунларда 4 фарзандининг бир ёшга киришини қутлаган эр-хотин - Эмма ва Мартин Роббинслар ўзларини жуда бахтиёр эканликларини айтишмоқда. Ҳақиқий она эканлигини кўрсатган Эмма 4 фарзандини қучоқлаш учун қучоқ очаётгани ҳар қандай инсонни ҳаяжонлантиради, йиғлатади. Мана ҳақиқий аёл, ҳақиқий она.

Бечора ўзбек оналарининг туғилмаган болаларини қирғизлар она қорнини ёриб суғириб олишди ва унинг бошини копток қилиб футбол ўйнашди. Она ҳалок бўлди, аммо унинг ўша дақиқалардаги ҳолатини ўйлаб кўрадиган ўзбек борми ўзи? До....д деб бақирадиган ўзбек қолганми ўзи? Биз қасос оламиз деб қўлини беихтиёр қиличга узатаётган ўзбек йигитлари борми ўзи? Қўлида ёш боласи бўлган ўзбекистонлик ёшгина ўзбек аёлларининг “Бизнинг улар билан ишимиз йўқ, ўз осмонимиз тинч бўлса бўлди” деб Ислом Каримнинг сўзларини қайтаришига қандай чидаймиз? Оллоҳ бизни шундай қоромол қилиб яратибди деб юраверамизми ёки ёки қайтадан миллат бўлишга ҳаракат қиламизми? Ҳозирча қорамолликда қолиш тарафдорлари кўпчилик. Эй, бечора ўзбеклар.

Бахтли Эмманинг жажжи фарзандлари қандай кулаётганини яхшироқ кўрай десангиз, расмни курсор билан босинг. Аммо, йиғламанг, кўз ёши тўкиб ўтирманг, ўзбекка кўз ёши тўкиш ярашмайди. Қозоқларга дворник бўлсак ҳам, ош ейишни бизга ҳали ҳеч ким тақиқламадику. Тақиқласинлар, кейин бемалол йиғлайверамиз. Бизга ош ва тинч осмон керак, фарзандмас.
« Олдинги хабар Хабарлар рўйхати Кейинги хабар »