Ингушистон президенти яна ҳам қаттиқ қўл бўлмоқчи

22 июнда террористик ҳужум натижасида зўрға ўлимда қутилиб қолган ва шу вақтдан бери Москвадаги Вишневский институтининг касалхонасида даволанган Ингушистон президенти Юнус-Бек Евкуров бугун касалхонадан чиқди. Рус агентликларининг хабарида айтилишича, у ўзи журналистлар олдига ҳасса таёқларга таяниб чиққан.

Агар врачлар рухсат берса, хизматига бир ҳафтадан кейин қайтишини билдирган Юнус-Бек Евкуров, ўз жонига суиқасд қилганлардан алам олиш нияти йўқлигини, аммо қуролини ташламаган жангарилар йўқ қилинишини уруғулаган.

Маълумки, Юнус-Бек Евкуров бутун умр Россия армиясининг махсус қисмларида ишлаб келган ва борган сари беқарорлашиб бораётган Ингушистонда тартиб ўрнатиш учун Москва томонидан ўтган йил 31 октябрда президент қилиб қўйилганди. У Россия қаҳрамони.