Даҳшат: Сурхондарёлик ота ўз ўғлни ўлдириб, қамалди

Жиноят ишлари бўйича Сурхондарё вилоят суди қотил отани 15 йилга озодликдан маҳрум қилди. 60 ёшли ота ичкиликка муккасидан кетган ўғилнинг қўл-оёғига электр сим боғлаб, симнинг учини розеткага улайди. Шу тариқа уни ўлдирган ота жасадни кўрпага ўраб, бир амаллаб судраб бориб каналга ташлаб юборади. Қўни-қўшниларга эса унинг йўқолиб қолганини айтишади.

Жиноят иши тафсилотлари очиқланмаган. Аммо кўриниб турибдики, ноқобил ўғилнинг хулқидан ота эсини йўқотган ва даҳшатли қотилликни содир этган.