Андижон Адлия бошқармаси раҳбари 14 йилга кесилган

Бугун Ўзбекистон Республикаси Олий судининг Жиноят ишлари бўйича ҳайъати Андижон вилояти Адлия бошқармасининг собиқ бошлиғи Жалол Абдусатторовга нисбатан чиқарилган суд ҳукмини ўзгаришсиз қолдирди. Ўзбекистон Адлия вазирлигининг жамоат ташкилотларини рўйхатга олиш бошқарамасини узоқ йиллар бошқарган, сўнгги пайтда Андижонга ишга юборилган Абдусатторов ўтган йилнинг кузида 14 йил муддатга озодликдан маҳрум қилинганди. У Ўзбекистон Республикаси ЖКнинг 167-моддаси (Давлат мулкларини талон-ьтарож қилиш), 205-моддаси (Мансаб ваколатини суиистеъмол қилиш) ва 210-моддаси (Пора олиш) билан айбланган.

2003-05 йилларда “Бирлик” Партиясининг рўйхатда ўтиш учун берган ҳамма ариза ва мурожаатларига айнан шу мулозимдан қонун нормаларига эмас, юқорининг буйруқларига асосланган тутуруқсиз рад жавоблари келар эди.