“Озодлик”нинг ўзбекча эшиттиришлари демократик эмаслигини тушунганлар сони ортмоқда

“Бирлик” Партияси раиси ўринбосари Пўлат Охуннинг ўзи каби Швецияда яшайдиган бошқа бир сиёсий қочқин Исмоил Дадажонга асосланиб билдиришича, Европада яшайдиган ўзбеклар номидан “Озодлик” радиосининг ўзбекча программалари демократиядан узоқлигини қораловчи очиқ хат тайёрланмоқда экан.

Бу хатда “Озодлик” радиосининг ўзбекча эшитиришлари Ўзбекистонда бўлаётган сиёсий воқеаларни, хусусан, ўзбек демократик мухолифатининг фаолиятини тўғри ва объектив ёритмаётгани, бу ерда ишлайдиган ака-ука Бобожоновлар тўғридан-тўғри маҳалийчилик билан шуғулланиб, радио эшитиришларини баъзи нопок хоразмлик оғиздагина демократ бўлган кимсаларнинг минбарига айлантириб қўйишгани фактлар билан очиб берилади.