Паспорт Озорбайжонда ҳам демократларга қарши қурол

“Бирлик” Партияси раиси ўринбосари Пўлат Охуннинг ўтган йилнинг бошида муддати тугаган паспортини алмаштиришдек оддий иш ҳукумат тарафидан ҳалигача чўзиб келинаётгани ҳозир бутун дунёга маълум бўлди. Ўзбекистотн расмийлари паспорт масаласини сиёсий қурол сифатида мухолифатга қарши ишлатишаётганинига ҳеч ким шубҳа қилмайди.

Озорбайжонда ҳам шунга ўхшаш воқеа бўлмоқда экан. Бу мамлакатдаги мухолифатга яқин матбуотнинг билдиришича, ҳукумат органлари Озорбайжон Халқ Жабҳаси Партияси раиси Али Каримлининг 2006 йилда муддати тугаган паспортини алмаштиришдан воз кечмоқдалар. Асос сифатида Али Каримлига қарши 1994 йил 10 сентябрда очилган жиноий иш кўрсатилмоқда.

Қизиғи шундаки, бу иш ўша йилларит тўхтатилган, шундан кейин Али Каримли икки марта 5 йиллик паспорт олган, мамлакат парламентининг депутутлигига сайланган. Унинг депутутлик муддати битгач, унга қарши очилган жиноий иш тўхтаталган, аммо бекитилмаган, Али Каримлига паспорт берилса, у чет элга қочиб кетиши мумкин, деган баҳона билан унга янги паспорт берилмаяпти. Ўша ишни бекитиш талаби билан мухолифатчи суд органларига ҳам мурожаат қилган, аммо, худди Ўзбекистонда каби ҳукуматнинг буйруғини бажарадиган озорбайжон судлари масалани ҳал қилмасдан чўзиб келмоқдалар. Шу йил 26 майда Бокунинг Насимин туман суди очилган жиноий ишни бекитиш ваколати йўқлгини айтиб, Али Каримлининг навбатдаги аризасини рад этибди.

Хуллас, диктаторларнинг қўлида ҳамма нарса демократларга қарши қурол, ҳатто паспорт ҳам.