“Ҳижрат Сарбони” номидан мурожаат

Шу кунларда «Ҳижрат Сарбони» газетанинг 44- сони тарқатилмоқда. Мазкур сонда Урганч тадбиркорларининг норозилик намойиши қандай тарқатиб юборилгани ҳақида Фарғона.ру сайтидан олинган хабар чоп этилган. «Бирлик» Партияси сайтидан олинган Пўлатжон Охунов паспорти атрофида бўлиятган хокимият «ўйинлари» ва Пўлатжон Охуновнинг «Метроном» сайтига мактуби ҳам газета саҳифаларида ўрин олган.

«Узньюс» сайтидан олинган «Бишкекдаги «Дўрдой»га олов ва сув орқали» мақолада шу йил 5 апрель куни «Дордой-Джунхой» буюм бозорида катта ёнғин бўлгани, Бишкекдаги «Дўрдой» ва Тошкентдаги «Отчопар» буюм бозорлари ўзаро рақобати натижаларида ким ғолиб бўлганлиги ва унинг сабаблари ёритилган.

АҚШ президенти Жорж Бушнинг WELT ONLINE нашриётига берилган «Мени ҳурмат қилишларини истайман» сарлавҳали интервьюсида АҚШ ҳукуматининг ҳозирги кунда олиб бораётган ташқи сиёсати ҳақида сўз юритилган. Газета муҳаррири Алишер Сарбоннинг «Амалдорларни ўзбекона экстрими» мақоласи «оғир» хаёт кечираётган ўзбек амалдорларига бағишланган.

Барча молиявий қийинчиликларга бардош бериб келаётган «Ҳижрат Сарбони» газетаси 2007 йил 27 майдан бошлаб, ҳар ҳафтада, бирор марта узилиш бўлмай, ўзининг босма тираж ва интернетдаги муҳлисларини ҳам орттириб келаётир.

Мен бу газета таҳририяти муҳаррири Алишер Сарбоннинг Ўзбекистондаги демократия, инсон ҳуқуқлари ва мухолифатнинг ғалабаси йўлида тинмай курашаётган тиниб-тинчимас инсон эканига ҳавасим келиб, у кишига ўринбосар бўлганимдан хурсандман.

Гаетанинг хозир 44 та сони чиқаркан, бизлар ижарага олган оргтехника билан ишлаб, амал-тақал қилиб ёнимиздан қоғоз сотиб олишга мажбур бўлаётирмиз. Газетанинг интернет харажатлари ҳам ўз бўйнимизга тўғри келаётир. Ҳозир ижарадаги рангли принтеримиз бўёқлари тугагани учун, энди оқ-қора нусхаларини чиқармоқдамиз. Бу аҳволда яқинда айниқса қочқинларимизга текин газетани тарқатиш тўхтаб қолиш хавфи туғилаётир. Шундай экан бу газета иақдирига бефарқ бўлмайдиган инсонлардан моддий ёрдам сўрашга мажбурмиз. Электрон манзилимиз: hijratsarboni@gmail.com

Ядгар Турлибеков, «Ҳижрат Сарбони» газетасининг муҳаррир ўринбосари