“Бирлик” фаоли калтакланди

Кечроқ олинган хабарга кўра, 28 февраль куни “Бирлик” Партияси Наманган вилояти бўлими фаоли Абдураҳмон Алиев Файзулло Жакбаров исмли киши томонидан қаттиқ калтакланган. Ҳозирда Тўрақўрғон тумани Марказий шифохонасининг травматология бўлимида даволанаётган сафдошимизга кўра, унинг калтакланиши сабабига ўзи ҳам тушунмайди.

У мухбиримиз билан суҳбатда ўзига нисбатан маҳалладоши аввал қўл кўтаргани, сўнгра пичоқ билан ўлдиришга пўписа қилганинг сабаби ҳам маълум эмас. Мазкур ҳодиса юзасидан туман ИИБга мурожаат қилингани, оғир тан жароҳати юзасидан тегишли хулосалар тақдим этилганига қарамай миршаблар бу ҳодиса сабаблари билан шуғулланишмаяпти. Афтидан ҳуқуқни муҳофаза қилиш идоралари “Бирлик”чининг калтакланишидан манфаатдордек.