Демократик мухолифатнинг бирлашадиган жойи аниқ – “Бирлик” Партияси

Сайтимизнинг электрон адресига тузилгандан бери қоғозда қолган Озод деҳқонлар партиясининг қандайдир ёшлар қанотидан баёнот келди. Бир вақтлар ўзбек мухолифати саҳнасида ўзига яраша хизмат қилган, кейин турли сабаблар билан чет элларга чиқиб кетгач, фаолиятдан узоқда қолган бир неча кишининг навбатдаи хаёл маҳсули эканлиги тахмин қилинаётган бу баланд парвоз ҳужжат кулгили ва аянчлидир.

Кулгилиги шундан иборатки, шу пайтгача ҳеч ким эшитмаган бу “қанот” номидан гапираётганлар ҳамамага дарс беришга ҳаракат қиладилар, ҳаммани ўз хатоларини тан олишга чақирадилар, абстракт “бирлашиш” шиорлари отадилар.

Аянчлиси шуки, олдимизда турган энг катта сиёсий воқеа — президент сайловлариини эслаш бу “сиёсатчи” одамларнинг хаёлига ҳам келмайди.

Шундай бўлса ҳам, баёнотда пичоққа илинадиган қуйидаги жумла борлигини тан олиш керак. “Прогрессив инсоният, тарқоқ ўзбек демократик мухолифати ҳокимият тепасига келган тақдирда ҳам, тез фурсатда ҳокимиятни нуфузли демократик оламни чўчиётган бошқа кучларга бериб қўйиши мумкин, деган хаёлга келиб қолган”.

Бу фикрни шу пайтгача фақат “Бирлик” Партияси ва унинг лидери Абдураҳим Пўлат айтиб келаётганди. Улар “демократик оламни чўчиётган бошқа кучлар” ислом фанатиклари эканлигини қўрқмасдан ва очиқча сўзлаётганлари, асосий мақсад мавжуд режмни йиқитиш эмас, Ўзбекистоннинг келажаги учун пойдевор яратиш, режимни ўзгартиришни эса, асосий мақсад йўлидаги муҳим, аммо биргина қадам деб ҳисоблаб, демократик мухолифатни ҳозироқ ўша асосий мақсад йўлида бирлашишга чақириб келаётганлари ҳам ҳаммага маълум.

Абдураҳим Пўлат бир қатор мақолаларида аниқ далилларга асосланиб, ўзбек мухолифатида янги қутбланиш бошлангани, унинг бир қутби ҳеч тебранмасдан демократик позицияда турган “Бирлик” Партияси, иккинчиси — бир-бирига тезлик билан яқинлашиб келаётган “Эрк” партиясининг 53-54-чилар фракцияси ва “Ҳиз-ут-Таҳрир” каби структуралардан иборат бўлаётганини айтганди.

Шунча вақтдан бери ухлаб, ҳозир тўсатдан сиёсатга келишни ўйлаб қолган ёшлар бўлса, улар аввал қайси қутбга боришларини аниқлаб олишлари керак.

1994 йили “Эрк” газетасида “Ёшларни шундай тарбиялаймизки, уларга Оллоҳ номидан буюрсак, ўйламасдан ўлимга кетаверадилар” деган бош 53-54, яқинда 53-54-чиларга оид сайтларда 2050 йилдаёқ бутун дунё бир халифаликка айланишини ёзганидан кейин, дунёда ўзбек демократиясига бўлган ишонч қанчалик камайганини ақлли одам тушунса керак.

Дарвоқе, юқорида айтилган баёнот муаллифлари ҳаммани “ўлимга тайёрланаётган” ёш 53-54-чилар билан ҳам бирлашишга чақириб, ўзбек демократларига бўлган ишончни яна ҳам озайтириш ниятида эмасмиканлар?

Ўзбек ёшлари демократ эканликларини дунёга кўрсатишни истасалар, ёшларимизни Ал Қоида каби ўлимга чорловчи 53-54-чилардан нафақат узоқроқ туришлари, балки уларни бу фактлар билан ҳар қандой форумларда фош қилишлари керак. Бу ишни ҳозирча фақат “Бирлик” қилмоқда ва кўринишидан қилишни давом эттиради. “Бирлик”нинг ёшлари ҳам.

Қисқа қилиб айтсак, ўзбек демократиясига бўлган ишончни тиклашни истаганлар ақл–хушларини қўлларига олишлари ва бир нарсани англашлари лозим: демократик мухолифатнинг бирлашадиган жойи — мамлакат ичида фаолият олиб бораётган, ҳатто мавжуд оғир вазиятда ҳам келаётган сайловларда иштирок этишга уринмоқда бўлган ва ҳар бир қадами билан демократияга содиқлигини намойиш қилиб келаётган ягона сиёсий куч — “Бирлик” Партиясидир. Бу объективликдан ҳеч ким қочиб қутулолмайди.