Россияда ҳам янги иттифоқ устида ўйлашмоқда, “Бирлик” бошқа Иттифоқ тарафдори

Россия коммунистларининг лидери Геннадиф Зюганов Москвада бугун ўтказган матбуот конференциясида ўз мамлакати Украина, Белорусия ва балки Қозоғистон билан биргаликда Иттифоқ давлати қуриши лозимлигини гапирди. Бу ҳақда хабар тақатган рус матбуотига кўра, Зюганов “бундай иттифоқсиз келажагимиз йўқ” деган.

Рус коммунистларининг лидери “давлат ўз-ўзини таъминлайдиган даражада бўлиши, замонавий бозорда рақобат кучига эга бўлиши ва ўз манфаатларини ҳимоя қилодиган қобилиятга эга бўлиши” кераклигини урғулар экан, бунинг учун СССР каби кучли Иттифоқ яратиш шартлигини гапирган.

Охирги пайтда бутун постсовет ҳудудларида иттифоқлар тузиш ғояси сиёсий лидерлар тарафидан тез-тез тилга олинадиган бўлиб қолди, дейди мухбиримиз. Бу тўғри йўналишдаги фикрлашдир. Келажакада Россияда демократия қайта ривожланишига бошласа, бирлашиш ғояси ғарбий украинларга унчалик ёқмаслигини ҳисобга олсак ҳам, славян мамлакатларининг бир Иттифоққа бирлашиши эҳтимолдан узоқ эмас.

Шуни алоҳида таъкидлаш керакки, иттифоқ яратиш ғояси лидерларнинг нутқларидан партия ҳужжатларига ўтган бўлган ягона мамлакат Ўзбекистондир. Маълумки, “Бирлик”нинг 2003 йилдаги қурутойида қабул қилинган резолюциялардан бири Марказий Осиё Иттифоқи яратиш хусусида бўлганди. Айнан “Бирлик”нинг шу ҳужжатида унинг лидери Абдураҳим Пўлатнинг ташаббуси билан биринчи марта “Марказий Осиё Иттифоқи” атамаси тилга олинган. Абдураҳим Пўлатнинг яқин ойларда “Ҳаракат” журналидан эълон қилинган “Марказий Осиё Бирлиги: аввалги ғоя, янги фикрлар” номли мақоласида эса бирлашиш йўлининг умумий принциплари муҳокама қилинган.