Копенгаген ва Стокгольмда “Бирлик” фаоллари Россия элчихоналарини пикет қилмоқдалар

Шу дақиқаларда бу икки шаҳарда ҳар бири 5 кишидан иборат 2 гуруҳ Россия элчихонаси олдида норозилик пикети ўтказмоқда. Аввал маълум қилинганидек, улар Россиядан “ивановолик ўзбеклар” деб танилган 13 нафар ўзбекни Ўзбекистонга экстрадикция қилмасликни талаб қилмоқдалар.

Копенгагендаги пикет “Бирлик” Партияси раисининг ўринбосари Исмоил Дадажон, Стокгольмда “Бирлик” партияси Жиззах вилоят ташкилотининг раиси Муйиддин Қурбонов раҳбарлигида ўтмоқда. Исмоил Дадажоннинг билдиришича, уларнинг олдига чиққан элчихонанинг 2 вакили пикетчиларнинг рус ва инглиз тилида ёзилган баёнотномасини қабул қилиб олган.

“Бирлик” раиси Абдураҳим Пўлат бу иккала шаҳарга ҳам телефон қилиб, сафдошлари билан гаплашди, ҳеч бир ерда чекинмасдан халқимиз озодлиги учун олиб бораётган матонатли курашларида мувафаққиятлар тилади.