53-54-чи эркчилар сайтларини кечаги эътиқодларидан тозаладилар (янгиланган версия)

25 июлда АҚШнинг Хельсинки Комиссиясида баёнот берган “Бирлик” Партиясининг раиси Абдураҳим Пўлат Ўзбекистонда демократик ўзгаришларга таъсир этадиган факторлар устида тўхтаб, уларнинг асосийларидан бири сифатида мухолифат ичидаги ўзаро муносабатлар эканлигини айтган ва “Эрк” партиясининг 53-54-чилар деб танилиб қолган фракциясининг сайтларида эълон қилинган мақоладан қуйидаги парчани келтирган эди:

“Ғарбнинг куни битмоқда. У турли иллатлар ботқоғиа ботиб бўлган. Уларнинг аёллари 2 боладан бошқа туғолмайдилар ҳам. Хитой ҳам бошқа сабаблар билан чўкaди Фақат мусулмонлар ўсади. Чунки биз хадисларидаги “Ўзингиздан кўпайинг” сўзларига амал қилмоқдамиз, аёлларимиз энг камида 4 фарзанд туғмоқдалар. Келажак исломникидир. Яқинда Ғарб ҳам исломни тан олиб, Исломнинг ривожланишига ўзи бошчилик қилади”.

Бу сўзларга тўғридан-тўғри баҳо бермаган Абдураҳим Пўлат ўзининг бу баёнотидан кейин улар зудлик билан сайтлардан олиб ташланишини башорат қилганди. Шундай бўлди ҳам ва орадан бир кун ўтар ўтмас, улар 53-54-чиларнинг сайтларидан олиб ташланди.

Аслида бу сўзларда бунчалик қўрқишдан керакмиди? Йўқ, бу дин фанактиклари учун одддий гаплар. Дунёда нималар бўлаётганидан, дунёда бўлаётган тенденциялардан хабарсиз бўлган жоҳиллар шундай гапларни доим айтиб келган ва айтиб келаберадилар. Улар ўзлари ишонган нарсаларга ҳурматларини йўқотмайдилар ва эътиқодларини ўзгартимайдилар.

Лекин ҳар куни ҳам ташқи кўринишини ҳам эътиқодларини ўзгартиришга ўрганиб қолган 53-54-чилар энди кечагина мадҳ этган ўз динларига ҳиёнат қилиб, айтган сўзларидан воз кечдилар. Демак, улар бугун Исломнинг келажакда ҳамманинг дини бўлиши кераклиги хусусида иддаоларидан юз ўгирдилар. Мана, уларнинг ҳақиқий башараси.

Минг афсуски, бу одамлар учун муққаддас нарса йўқ. Дин, миллат, дўст, сафдошларини бир дақиқалик манфаатлари учун сотиб кетаберадилар. Ўз ёшларини эътиқод йўлида ўлимга ҳам тайёр бўладиган шаклда етиштирамиз деб ваъзхонлик қилсалар ҳам амалда уларни ҳам эътиқодсизлик ва хоинлик руҳида етиштирмоқдалар.

Тарихимизнинг узоқ ва яқин кунларида бунга исботлар кўп.

Бир вақтлар Салой Мадаминов 53-54 рақамли икки квартираю бир депутатлик мандати учун миллатини сотган ва бу гуруҳнинг анъаналарига асос солган эди.

1994-95 йиллари “Эрк”нинг ёшлари қаноти раиси бўлган, бу “юксак” лавозимга Истанбулда Салой Мадаминовнинг уйидаги мажлисда сайланган Паҳлавон Турсуновнинг (у ҳозир ББСда демократия тарғиботчиси), Сайлой Мадаминов ва бир қатор Истанбулда тарбия олиб келган “эрк”чи ёшлар террорист деб эълон қилинган кунлари тўсатдан Тошкентга қайтиб боргани ва унга ҳеч ким тегмагани сабабли бу ёшларни Каримов режимига “эрк”чи паҳлавоннинг ўзи тутиб берди деган асосли иддаолар ҳам ҳаммага маълум.

Швецияда яшаётган ёш 53-54-чилар Юсуф Расул, Тўлқин Қораев, Қудрат Бобожоновлар бир рус сайтига ўзлари билан муҳожирликда бир маҳалада турадиган сафдошларини у фақат “Бирлик” фаоли бўлгани учун қандай сотганларини шу кунларда ёзган эдик.

Мана бугун кўрмоқдамизки, улар дин-имонлари, кечаги эътиқодларидан ҳам осонликча юз ўгиришга тайёрлар.

1989 йили “Бирлик” бўлинганда, аввал 53-54-чилар бирга бўлиб, бир ҳафтадан кеийн хатоларини тан олиб яна “Бирлик”га қайтган Дадахон Ҳасан катта бир мажлисда шундай деган эди: “Бир зино қилган аёл бир умр фоҳиша бўлиб қолиши муқаррар бўлганидек, Муҳаммад Солих ва сафдошлари бир умр хоинлик билан яшашга маҳкумлар”.

Ҳофизнинг сўзлари қанчалик ҳақ эканлигига ҳозир ҳамма шоҳид бўлмоқда.