Исмоил Дадажон Киевда операция қилинди

Сўнгги замонда ўт пуфагидаги муааммолар туфайли тез-тез касалхонага ётишга мажбур бўлаётган “Бирлик” Партияси раисининг ўринбосари Исмоил Дадажон ўтган жума куни биқинидаги санчиқлар жуда кучайгандан кейин яна касалхонага ётқизилганди. Докторлар уни операция қилишга қарор бердилар. Бугун шу оперaция бўлиб ўтди. Тахминан 1 соатча аввал Исмоил операция хонасидан оддий палатага олиб чиқилди. Кеча кундуз унинг ёнида бўлган сафдошлари ҳозир ҳам ўша ердалар. Партия раиси Абдураҳим Пўлат улар билан доимо алоқа қилиб турди ва ва операциядан кейин Исмоилнинг ўзи билан шахсан гаплашди. Овозидан ҳорғинлиги билиниб туришига қарамасдан, Исмоилнинг умумий аҳволи яхши. Докторлар ҳам оперция яхши ўтганини билдирдилар.