ГУОМ кучайиб, МДҲга альтернатива бўлмоқчи

Гуржистон, Украина, Озарбайжон ва Молдовани бирлаштирувчу минтақавий иттифоқ саналган ГУОМнинг эртага Киевда бўладиган саммити олдидан, бу мамлакатлар ташқи ишлар вазилиларининг йиғилиши бугун ўтди. Унда Иттифоққа Ташкиломақоми беришга ва унинг номини “Демократия ва тарақиёт учун халқаро ташилот – ГУОМ” деб аташга келишилди. Авваллари ҳам кўп марта айтилгани каби, бу ташкилот демократиядан диктатурага қараб кетаётган Россия бошчилигидаги МДҲга альтернатив бўладиганга ўхшайди.

Киевдан олинган хабарга қараганда, бугун Украина пойтахтига Польша ва Болтиқ жумхуриятларининг президентлари келишган. Эртага улар ҳам бу ташкилотга аъзо бўлишлари кутилмоқда.

Украинада яшаётган ўзбек қочқинлари “Бирлик” Партиясининг Украина бўлими раҳбарлигида эртага эрталаб Виктор Юшченконинг расмий қароргоҳи Маринск саройи олдида, саммит шу ерда бўлади, пикет ўтказиб, ГУОМнинг кучайишига ҳайрихоҳ эканликларини намойиш қилиш билан баробарликда, Ўзбекистон президенти Каримовнинг бу ташкилотдан чиқиш қарорига норозилик билдиришмоқчи. Бугун тарқтилишга бошланган пресс-релизда, хусусан, шундай дейилади: “Вақти келиб Ўзбекистон Каримовдан қутилади, шунда ҳамма кўрадики, Ўзбекистон ГУОМдан чиққан эмас, ГУОМдан Каримовнинг ўзигина чиққан”.