“Бирлик” фаоллари устидан хам суд бошланган

7 январь хабаримизда Саиджахон Зайнобиддинов устидан бошланган суд жараёни хусусида маълумот бериб, “Бирлик” фаоллари устидан суд бошлангани хакидаги баъзи гапларнинг ассосиз эканлигини айтгандик. Энди маълум бўлишича ўша гапларда жон бор экан.

Суд Тошкент вилоят туман судларидан бирида — Янгиобод шахарчасида 4 январь куни очилган экан. Шу куни расмий процедураларгина килинган ва 9 январь куни судда хакикий иш жараёни бошланган. Шу куни айбнома ўкилгач, судланувчилар — “Бирлик” Партияси раисининг ўринбосари Хамдам Сулаймон, партиянинг Андижон вилоят ташкилоти раиси Акбар Орипов ва партиянинг шахрихонлик фаоли Нурмухаммад Азизов айбларни рад этган бўлсалар, Мархамат туманидан партия фаоллари Дилмурод Муҳиддинов ва Мусажон Бобожонов кисман айбларини тан олганлар (“Бирлик” Партиясининг Андижон хунрезлигини кораловчи баёнотномасини бир мажлисда ўкиб берганлари конунларга зид бўлганини). Судда на бирон хукук химоячиси ва кузатувчи катнашмаган.

Суд эртага, 11 январь куни давом этиши эълон килинган.

Бу суд жараёни хусусида карама карши хабарларнинг таркалишига сабаб, Фридум Хауз устидан бўлаётган судда каби, айбланувчиларнинг ўзи ва адвокатлари суднинг бошланишини хаммадан беркитишлари, суд жараёнини ортикча ошкор килмасликка интилишлари бўлди. “Бирлик” рахбарияти масалага бундай ёндошишни мутлако нотўғри деб хисоблаб, бироз кечрок бўлса-да, мазкур хабарни таркатишни лозим деб топди.

Бу суд жараёни атрофидаги вокеалар бўйича кенгрок маълумот таркатишга интиламаиз.