Ўзбекистон хукумати ўзбек мухолифати вакилларини Украинада хам таъкиб килмокда

Ўзбекистон мухолифати вакилларининг Украинадаги фаоллигидан ташвишга тушган Каримов режими уларга карши хужумга ўтди.

Киевдаги “бирликчи” ларнинг хабарига кўра, шу йил 28 ноябрь куни “Украинадаги ўзбек кочкинларига ёрдам бериш” комитетининг раиси, “Бирлик” Партияси фаоли Дўстназар Худайназаров 3 киши тарафидан ўгирлаб кетилган. Уни номаълум жойдаги бир уйга олиб келиб, кўркитишга харакат килишган. Уч кишидан бири ўзини Фарход Рахматов деб танитган ва Ўзбекистон МХХсининг ходими эканлиги билдирган. Колган 2 киши эса, Украина Хавфсизлик хизмати ходимлари эканлигини тасдикловчи гувохномларни кўрсатишган.

Улар Дўстназар Худайназаровдан Ўзбекистон хукуматининг обрўсига зарар етказувчи фаолиятини тўхтатишни, ўзлари тайёрлаган баёнотни видеокамера каршисида ўкиб беришни талаб килишган. Баёнотда Дўстназар хозирги Каримов хукуматига карши олиб бораётган фаолиятидан пушаймонлиги, уни Ўзбекистон хукуматига душман бўлган кишилар йўлдан уришгани ва у бундан буён хукумат сиёсатини кўллаб кувватлаши айтилиши керак эди. Агар у бундай баёнот билан чикмаса, нафакат унинг ўзи, балки Кашкадарёда яшайдиган якинларига хам ёмон бўлиши айтилган. “Бирлик” фаоли бу талабларни кескин рад этган ва хеч нарсадан кўркмаслигини айтган.

Шундан сўнг уни кўйиб юборишган. Дўстназар Худайназаров Украинанинг хавфсизлик хизмати органларига мурожаат килганда, улар ўз ходимларининг бундай ишларга мутлако алокаси йўклиги, гувохномалар сохта бўлиши мумкинлигини айтиб, бу хусусда керакли ишларни килажакларини билдиришган.

Аммо, иш бу билан битмади. 11 декабрь куни кечкурун Дўстназар Худайназаров 3 нафар ёш йигитнинг хужумига учради. Улар хеч нарса демасдан Дўстназарни каттик калтаклаб кетишди. Хозир бу иш билан Киевдаги хукук тартибот органлари махсус шугулланмокдалар.

13 декабрь куни бошка бир “Бирлик” фаолига шу каби хужум уюштирилди. Асли Кўконлик Форрух Мухиддинов Киевда вактинча яшаётган уйи олдида номаълум кишилар тарафидан каттик калтакланган. Форрух “Бирлик” Партияси Фаргона вилоят ташкилотининг раиси Адхам Мухиддиновнинг жияни. Бу иш билан Киевлик хукук-тартибот органлари шугулланишга бошладилар.