Абдурахим Пўлат: Демократлар факат конституцион йўллардан борадилар

Мени яна эски гапларни кўтаришда айблайдиган одамлар топилишини билсам хам, дейди “Бирлик” Партияси раиси Абдурахим Пўлат, куйидагиларни айтишни ўз мажбуриятим деб биламан.

1992 йил июнь ойининг асосий кисмини Туркия ва АКШда ўтказишимга тўгри келди. Тошкентга кайтиб келишим биланок, мени аэропортда кутиб олган сафдошларимдан, хамма “Миллий Мажлис” деган тушуниб булмайдиган бир структура яратиш гояси билан касал эканлигини ўргандим. Хазраткул Ҳудoйбердиев ўша захоти “Миллий Мажлис”нинг Низомини кўрсатди. У ерда ёзилган “Миллий Мажлис” конунлар лойихасини тайёрлаб, уни имзолаш учун мамлакат президентига беради, агар президент уни имзолашдан бош тортса, конун бошка йўллар билан хаётга жорий этилади” деган гапларнинг антиконституцион эканлигини айтдим. “Бу хали лойиха, – деди Хазраткул. – Сиз бу гоя иштирокингсиз амалага оширилаётганидан норозисиз, халос”. Одамлар лойиха ёзишдан олдин конституцияни ўрганишса яхши бўларди, “Бирлик” ташкилот сифатида бундай авантюрада катнашмайди, дедим мен.

Кейинчалик бир неча мухолифатчи бу уйламасдан килинган ишнинг азобини ўзи тортди, камалиб чикди. Тўгри, мавжуд режим истаган одамини хеч бир сабабсиз хам камаб ва хатто йук килиб юбориши мумкин. Лекин, унга ёрдам бериб, антиконституцион ишларга кўл уришнинг нима кераги бор?

Конституция ва конунларни билмайдиган одамлар хали хам “оламшумул” ишларга кўл ураётганлари хам кулгили хам фожеалидир. Шу кунларда кандайдир аноним ўзбек мухолифатчилари яна ўша 1992 йил вокеаларини кайтармокчилар, шекилли,. “Миллий Нажот Кўмитаси” лойихасини эълон килдилар. Бу лойиха махиятан антиконституцион эканлигини озгина бўлса хам сиёсий саводи бор одамга тушунтириб ўтириш ортикча.

Менинг максадим хамма мухолифатчиларга, биринчи навбатда “Бирлик” фаолларига мурожаат килиб, уларни бундай авантюралардан узокрок туришга чакириш.

Биз демократлар хар кандай шароитда хам мавжуд конституция ва конунлар доирасида фаолият олиб боришимиз керак.

Бундай мурожаат билан чикишга мени мажбур килган яна бир сабаб бор. Шу кунларда мамлакат ичида яшаётган бир неча одам (улар “биррликчи” эмас) билан телефонда гаплашиб, дахшатли гаплар эшитдим. Гўёки, мен узокда яшаётганим учун Ўзбекистондаги ахволни билмай колган эмишман. Ўзбекистонда бугун демократия ва фукуролар жамияти куриш масалалари мавжуд тузум борлиги сабабли мухолифатнинг кун тартибидан чикарилиши керак эмиш. Бошкача сўзлар билан айтсак, тузумга карши хар кандай усул кўллашга хаккимиз бормиш.

“Бирлик” Партияси бундай фикрларга мутлако кўшилмайди. Биз факат демократик принциплар доирасида, конституцион усуллар билан курашимизни давом эттираберамиз.