Собик «Бирлик»чининг хукуматбоп даъвоси

Кеча, 28 октябрда фукаролик ишлари бўйича Сурхондарё вилояти суди судья Тогаев раислигида «Эзгулик» инсон хукуклари жамияти Сурхондарё вилояти кенгашининг собик раиси Азамат Саломовнинг жамият Марказий Бошкаруви устидан киритган даъво аризасини кўра бошлади. Даъво аризасига кўра, «Эзгулик» инсон хукуклари жамияти Марказий Бошкаруви Азамат Саломовнинг Сурхондарё вилоятида «Бирлик» Халк Харакати Партиясининг вилоят бўлимини тузмагани, партиянинг ишларига кўмаклашишга рози бўлмагани учун уни ноконуний равишда «Эзгулик» сафида чикаргани айтилади.

Судда жавобгар сифатида иштирок этаётган жамият Марказий Бошкаруви раиси Васила Иноят мазкур даъвонинг асосиз эканини таъкидлаб, бу ўринда «Бирлик»ни тилга олиш билан хукуматнинг «мехр»ини козонишдек амбицион туйгу ёхуд бошка бир максад бўлиши мумкинлигини таъкидлади. Васила Иноят суд мажлиси давомида судга «Эзгулик»нинг вилоят бўлимини тугатиш ва кайта ташкил этиш хакида карор чикаришини сўраб, илтимоснома киритди.

Шуни таъкидлаш керакки, «Эзгулик» инсон хукуклари жамиятининг Тошкентда ўтган IV-Курултойида жамият Сурхондарё вилояти кенгашининг собик рахбари, мустакилликнинг дастлабки йилларида «Бирлик» халк харакати ривожида озми-кўпми хисса кўшган Азамат Саломов шахсига етарлича бахо берилганди. Ўшанда Курултой мавжуд Низомга мувофик Марказий Бошкаруви олдига Азамат Саломовнинг «Эзгулик» сафида чикариш, вилоят бўлимини кайта ташкил этиш талабини кўйганди. Аммо Азамат Саломов Курултойнинг хам, Марказий Бошкарунинг хам карорлариниг амал килмай хукук химоячиси сифатида «Эзгулик» номидан фойдаланиб келган. Вилоят Адлия бошкармаси хамда жамиятнинг марказига хисобот такдим килмаган.

Суд кеча томонларнинг кўрсатмаларини эшитишга бошлади, аммо, киска замондан сўнг мажлис 31 октябрга кечиктирилди.