Камокдаги «Бирлик» фаолларининг такдирига оид маълумот

Андижондаги хукуматнинг хунрезлигини коралаш ва «Бирлик» Партиясини рўйхатдан ўтказиш талаби билан шу йил 30 майда Адлия вазирлиги биноси олдида мухолифатчиларнинг пикет ўтказиш режасидан газабга келган Каримов режими май ойи сўнги ва июнь ойининг бошларида бир катор «Бирлик» Партияси фаолларини хибсга олган эди. Кейинчалик, июль ойининг бошида, камлаганлар Акбар Орипов, Мусажан Бобожонов, Нурмухаммад Азизов, Дилмурод Мухиддинов ва Мухаммадкодир Отахоновларнинг каторига «Бирлик» Партияси раисининг ўринбосари Хамдам Сулаймон хам кўшилди. Сентябрь ойида Мухаммадкодир Отахонов озод килинган бўлсада, колганлар хамон камокда. Уларга карши «Бирлик» Партиясининг Андижонда халкни киргин килинишини коралови баёнотини таркатиш айби билан очилган жиноий иш бўйича тергов муддати бир неча марта узайтирилди, сўнгги муддат бугун 18 октябрда битади. Бу вакт ичида камалганларнинг 3 адвокати улар билан 1-2 мартагина кўришолдилар. Шу кунларда улар каерда сакланаётгани хам уларнинг якинлари ва адвокатларидан сир тутилмокда.

Ишни олиб бораётган терговчи 3 адвокатни кеча учрашувга таклиф килган эди. Учрашувда тергов муддати яна чўзиладими ёки иш судга ошириладими деган саволга жавоб олиш кутилмакда эди. Аммо, терговчи кеча учрашув ўтказмади ва адвокатларни бугун махаллий вакт билан соат 14 га ўз хузурига таклиф килди. У бугун яна кандай хунар чикариши хали номаълум.