«Бирлик» раисининг ўринбосари хам камалди

Кеча кечкурун «Бирлик» Партияси раисининг водий ишлари бўйича ўринбосари Хамдам Сулаймонов камалагани хакида хабар олган бўлсак хам, унинг тафсилотлари маълум бўлмагани учун (балки бу хабар хатодир деган шубха билан) уни эълон килмаган эдик.

Хозир маълум бўлишича, Хамдамни кеч кечкурун соат 8 лар атрофида ўзи яшайдиган Кўкон шахар милиция бошкармасига чакиришган ва Мархамат туманида бир гурух «бирликчи» ва хукук химоячиларига карши очилган иш бўйича уни хам хибсга олиш хакидаги прокурор санкцияси билан таништиришган ва ўша захоти уни Мархамат туманидан келган миршаблар кўлига топширишган. Маълумки, бир гурух «Бирлик» фаоллари ва асосан «Бирлик» фаолларидан иборат бўлган хукук химоячилари «Бирлик» партиясининг Андижон хунрезлигини корааловчи баёнотини таркатишда ва бу билан конституцион тузумга тажоввуз килишда айбланмокдалар.

Хамдам уяли телефони оркали ўзининг камокка олинаётганини сафдошларига хабар бериб улгурган экан, шундан кейин уни телефонини олиб кўйишган. Тезда милиция бошкармасига етиб келган Хамдамнинг турмуш ўртоги ва ўгли ярим кечгача Хамдам билан кўришига интилишган, аммо учравшувга рухсат берилмаган.

«Бирлик» лидери Абдурахим Пўлатнинг фикрича, шу кунларда Вашингтонда бўлаётган ЕХХТнинг Парламентлараро Ассамблеясида Ўзбекистон хайъати катнашмаса хам, Андижон вокеаларнини кескин кораловчи баёнотлар эълон этилиши ва Ўзбекистон хукуматидан ўз халкаро мажбуриятларини бажариш хакида каттик талаблар ўртага кўйилишидан талвасага тушган Каримов «Бирлик» фаолларини камаш йўли билан маданий дунёга тупиришга хозирлиги ва мухолифатнининг асосий кучи бўлмиш «Бирлик» Партиясини йўк килишга хам тайёрлигини кўрсатмокчи. Аммо, у буни хеч качон килолмайди. «Бирлик» фаоллари ўзбекларнинг оломон эмас халк, миллат эканлигини кўрсатиш учун харакат килмокдалар. Халкнинг бир кисмини ўкка тутиб, бошка кисмининиг огзини юмиш каби Сталин сиёсатини Ўзбекистонда янгидан хаётга жорий килишга интилаётган Каримов режими маглубиятга махкумдир.