«Бирлик» Партияси АКШнинг Хельсинки Комиссиясига муржаат килди

Кеча, 27 июнда «Бирлик» Партияси АКШнинг Европада Хавфсизик ва Хамкорлик Комиссиясига (Хельсинки Комиссияси) ўз мурожаатини юборди. Мурожаaтда Андижон хунрезлигидан кейин мухолифат вакиллари ва хукук химоячиларига, асосан «Бирлик» ва «Эзгулик» фаолларига карши тазйикларларнинг кескин ортганлиги хакида маълумотлар берилиб, вазиятни тузатиш масаласида Хельсинки Комиссияси нималар кила олиши хакида сўз юритилади.

«Бирлик» Партиясининг Андижондаги оммавий котилликни кораловчи 15 май Баёнотини таркатишда айбланган бир гурух «Бирлик» ва «Эзгулик» фаолларига карши жиноий иш очилгани ва улар хибсга олингани хам айтилган Мурожаатга «Бирлик»нинг ўша Баёноти илова килинган.

«Демократик ўзгаришларга альтернатива йўк» номли бу Мурожаатнинг рус ва инглиз тилларидаги матни билан «Бирлик» сайтининг рус ва инглиз сахифаларида танишиш мумкин. // «Харакат»