Чет эл дипломатларидан кузатувчилар гурухи тузилиши нима беради

Аввалрок турли оммавий ахборот воситалари Элёр Ганиев, Ўзбекистон Республикаси Ташки ишлар вазири, 2 июнда журналистлар учун берган брифингида, Тошкентдаги чет эл дипломатларидан Андижондаги вокеалар бўйича текширув ўтказиш учун тузилган Парламент Комиссияси ишини кузатадиган (мониторинг киладиган) махсус гурух яратилиши мумкинлигини таъкидлаб ўтганди. Ўшанда вазир Хитой Халк Республикаси, Россия Федерацияси, Туркманистон, Франция ва Америка Кўшма Штатлари каби давлатлар дипломатлари ушбу кузатиш гурухи таркибига киритилиши мумкинлигини айтганди.

Кеча оммавий ахборот воситаларида таркатилган хабарларга кўра, Ташки ишлар вазирлиги шунака гурух тузилганини эълон килган. Ушбу кузатув гурухи Россия Федерацияси, Хитой Халк Республикаси, Эрон Ислом Республикаси, Хиндистон, Покистон, Козогистон, Тожикистон ва Туркманистон дипломатларидан иборат. Вазирлик баёнотига кўра, ушбу гурухга кўшилишга таклиф этилган Америка Кушма Штатлари хамда Франция элчихоналари хали бу таклифга ўз муносабатларини билдиришга шошилишмаяпти. Вазирликнинг баёноти ушбу давлатлар дипломатлари карор килган захотиёк, ушбу кузатувчилар гурухига кўшилиши мумкинлигини таъкидлайди.

«Бирлик» Партиясининг вакили, хукук химоячиси Сухроб Исмоиловнинг фикрича, АКШ ва Франция давлатлари элчихоналарининг Ислом Каримов хукуматининг ушбу ташаббусига кўшилмасликка ўз сабаблари мавжуд. АКШ рахбарияти хамон Ўзбекистон хукуматидан Андижон фожеаси бўйича халкаро текширув ўтказишни талаб этмокда. Франция давлати эса, худди шунга ухшаш талабни олга сураётган Европа Иттифоки ва НАТО ташкилотининг умумий карашларига мослашишга харакат этаётгани табиий. 4 июнда Ўзбекистон Европа Иттифокининг ташки сиёсат ва хавфсизлик бўйича олий комисссари Хавьер Солананинг шахсий вакили Майкл Матиссенга виза беришдан бош тортганлиги эса Франциянинг ушбу кузатув гурухига киришига карши яна битта сиёсий тўсик бўлиши мумкин.

Ўзбекистон хукумати томонидан ушбу кузатув гурухининг тузилиши эса Андижондаги вокеаларнинг хаспушлашга интилишдан хамда бу вокеаларнинг тафсилотларини хеч качон аникланмаслигини таъминлашдан бошка нарса эмас, дейди Сухроб Исмоилов фикрини давом эттириб.

Айтиш мумкинки, ушбу кузатув гурухининг иши хам Ўзбекистон хукуматининг БМТ Кийноклар бўйича Хисоботчисининг хукуматга берилган тавсияномаларини бажариш атрофида тузилган давлат ташкилотлари, нодавлат ташкилотлар ва чет эл дипломатлари маслахат гурухининг ишига ўхшаб, хукуматнинг назоратидан четга чикмайдиган, натижасиз фаолият бўлиб колади. // «Харакат»