«Бирлик» Партияси хукумат билан курашини тўхтатмайди, унинг хужжатлари яна Адлияда

Бугун «Бирлик» Халак Харакати партияси раис ўринбосарлари Исмоил Дадажон, Хамдам Сулаймон, Дайнов Ташанов, партия Бош котиби Васила Иноят, Тошкент шахар партия ташкилотининг рахбари Хайит Абдуллаев, Партиянинг Ўбекистон туман ташкилоти рахбарларидан Эркин Кўзиев ва бир катор партия фаоллари партияни рўйхатдан ўтказиш учун керакли бўлган хужжатларни 5-чи марта Адлия вазирлигига топширдилар.

Маълумки, партиянинг бундан аввалги мурожаатига шу йил 1 февраль куни вазирлик рад жавоби берган. Вазирликнинг жавобида асосан икки рўкач кўрсатилганди.

1. «Бирлик» Партияси Уставида партиянинг асосий вазифалари сифатида «Инсон хукукларининг хурмат килинишини таъминлаш», «Ошкоралик принципларини хаётга тўла тадбик килиш», «Миллатлараро муносабатларда хеч кандай тенгсизликка йўл кўймаслик» ва шу кабилар кўрсатилган. Бу масалалар хокимият органларининг вазифалари бўлгани учун, дейди вазирликнинг жавоби, партия Уставининг ушбу моддалари Ўзбекистон Конституциясига зид ва шу сабабли, «таъминлаш», «тадбик килиш», «йўл кўймаслик» каби сўзлар — «таъминлашга хисса кўшиш», «тадбик килишда катнашиш», «йўл кўймасликка кўмаклашиш» кабилар билан алмаштирилиши керак. Вазирликнинг бу каби масхарабозликларини тортишиб вакт ўтказмасликни принцип килиб олган «Бирлик» Партиясининг Марказий Кенгаши Уставга вазирлик тарафидан айтилган ўзгартиришларни айнан киритди.

2. 20 мингдан ортик партия тарафдорларининг вазирликка такдим этилган рўйхатидан 4479 кишининг имзоси текширилганда 3948 имзо хакконий деб тан олинмабди. Аммо, вазирлик «Бирлик» Партиясининг талабларини бажариб, биронта кишининг имзоси хакикий эмаслигини кўрсатувчи биронта хужжат кўрсатолмади. Вазирлик бошкармасининг бошлиги Жалол Абдусатторов минглаб кишилар «Бирлик» рўйхатидаги имзолари сохта эканлиги хакида тушунтириш хати ёзиб берганларини айтсада, биронта хам бундай тушунтириш хатини кўрсатмади. Демак, вазирликнинг иддаолари мутлако ёлгон эканлиги маълум бўлди. «Бирлик» Партиясини жойларда олиб борган текширишларига кўра эса, кўпи билан бир неча ўн киши МХХ ва милиция ходимларининг босими остида шу каби когозларни имзолаб беришган. Хатто, уларни рўйхатдан чикариб ташлаганда хам, «Бирлик» Партиясини рўйхатдан ўтказиш керак эди.

Ўтган 1 ой ичида «Бирлик» Партиясига янги аъзолар жалб килиш давом эттирилди ва бугун Адлия вазирлигининг «Жамоат бирлашмалари ва диний ташкилотлар бошкармаси» бошлиги Жалол Абдусатторовга партиянинг юкорида айтилган тузатишлар киритилган Устави ва яна 4 минг янги партия аъзоларининг имзолар кўйилган рўйхати тoпширилди.

Хамма хужжатлар жойида эканлигига карамасдан, Жалал Абдусатторов «Бирлик»нинг аризасини олмаслик учун турли бахоналар кидирди, дейди Хамдам Сулаймон. Унинг хамма талаблари конунлар доирасида асоссиз эканлигини исботаб берганимиздан кейин, у бу ерга партия раиси Абдурахим Пўлатнинг ўзи келиши кераклигини айта бошлади. Биз бу талабнинг хам конуний асоси йўклигини гапирдик ва Адлия вазирлигига Ўзбекистоннинг АКШдаги элчихонасига мурожаат килиб, Абдурахим Пўлатнинг кайтиши учун керак бўлган хужжатларни тезлик билан расмийлаштириб бериш талабини олга суришни таклиф килдик. Бунга жавоб тополмаган Жалол Абдусатторов «Бирлик» Партиясининг хужжатларини расман кабул килиб олишга мажбур бўлди.