Андижон ва Кўконда «Бирлик» фаолларининг йигилиши

Бугун Андижон ва Кўкон шахарларида «Бирлик» Партиясининг Андижон ва Фаргона вилоятлари кенгашларининг кенгайтирилган мажлислари бўлиб ўтди. Иккала мажлисда хам Адлия вазирлигининг «Бирлик» Халк Харакати Партиясини рўйхатдан ўтказишдан воз кечганлиги хакидаги навбатдаги карори мухокама килинди ва шу муносабат билан килинадиган ишларнинг режалари тузилди.

Маълумки, Адлия вазирлиги «Бирлик» Партиясининг хужжатларидаги партия аъзолари имзоларининг кўпчилигини тан олмаган, айни замонда, на уларнинг рўйхатини на ўз далилларини берганди. Партиянинг ёзма ва огзаки талабларидан сўнгра Адлия вазири ўринбосари Саматов ўз ходимларига уларни «Бирлик»га бериш тугрисида буйрук берди. Аммо, бу буйрук качон бажарилиши маълум эмас.

Шуларни хисобга олган «бирлик»чилар, хозирги шароитда партияга янги аъзолар жалб килиш жараёнини тезлаштирш ва вазирлик белгилаган 1 ойлик муддат ичида хужжатларни кайтадан вазирликка топшириш энг маъкул йўл деб топдилар. Бу йўналишда килинадиган ишларнинг режалари тузилди, маъсуллар тайинланди.

Йигилиш пайтида Вашингтондан Кўконга телефон килган партия раиси Абдурахим Пўлат мажлис катнашчиларининг баъзи бирлари билан гаплашди. Уларнинг айтишича, жойларда икки тенденцияни кузатиш мумкин. Бир томондан, милиция, хавфсизлик хизмати ва хокимликлар вакилларининг тазйиклари остида одамларда бир оз кўркув бор. Иккинчи томондан, тазйиклар воситасида хукуматнинг ўзи «Бирлик»ни пропаганда килаётгани учун ахоли ичида «Бирлик»га кизикиш нихоятда юксалган. Бу эса, партияга янги аъзолар жалб килиш ишини осонлаштирмокда.