Ўтакаси ёрилган Ўзбекистон хокимияти яна «Бирлик»га осилмокда

3 январь соат 15 да Тошкент вилояти Паркент тумани хокимиятида шошилинч равишда йигилиш ўтказилиб, унга тумандаги барча махалла кўмита раислари чакиртирилган. Ушбу мажлисда «Бирлик» Халк Харакати Партиясини рўйхатдан ўтказиш учун хайрихолик килиб, имзо чеккан одамларнинг хаммасидан тунги соат 24 гача тушунтириш хатлари олиш топширилган. Жойларда дўк-пўписа, кўркитишлар билан «бирлик»чилдардан тушунтириш хатлари олина бошланган.

Паркент туманида расмий рўйхатга олинган «Эзгулик» жамияти бўлимининг раиси Шокир Жўраевнинг кейинги хабарига кўра, бундай конунбузарликка карши Жамиятнинг вилояти раиси Набибулла Норбўтаев ва адвокат Рухиддин Комиловлар Паркент туман хокими, вилоят хокими ва вилоят Адлия бошкармаси рахбарлари билан, колаверса кандай тушунтириш хатлари олингани ва кимлар олганини аниклаш билан шугулланмокдалар.

Хозир хокимиятнинг максади факатгина «Бирлик»нинг рўйхатдан ўтказмасликка интилиш эмас, балки «Бирлик»ни кўллаб кувватловчи одамлар йўк дея расмий баёнот берган президент Каримовни шармандаликдан куткариш хамдир. Чунки Каримов шундай деган кунлари «Бирлик» 20 мингдан ошик тарафдорининг имзосини расмий рўйхатдан ўтиш учун Адлия вазирлигига топширган эди.