МСКнинг карорини Сохиб Мавлоновдан бошка хамма билади

Сохиб Мавлонив ким дейсизми? У маркази Кўконда жойлашгаг 86-чи округ сайлов комиссиясининг раиси. Ташаббускор гурухларни 10 ноябргача рўйхатга олиш тўгрисидаги Марказий Сайлов Комиссиянинг (МСК) карори чикарилиб, у Ўзбекистон телевиденияси хамда мамлакат радиосида эълон килинишига карамай, ушбу хабардан бехабар колганлардан биттаси.

Жаноб Мавлоновга ушбу масала бўйича мурожаат килиб, Ташаббускор гурухи номидан «Бирлик» Партияси раис ўринбосари Исмоил Дадажоннинг номзоди кўрсатилан мажлис хужжаларини кабул килишни сўраган Хамдам Сулаймонов ва Рафикжон Ганиевлар натижага эришолмасалар хам, Мавлоновни Тошкентга телефон килишга мажбур килолдилар. МСКдагилар карор вилоят хокимлигига юборилганини айтиш билан чекланиб, округ комиссиясига тўгри буйрук беришни лозим топмаптилар. Хуллас, уларнинг максади – бир кун бўлса хам вактни чўзиш. Чунки, олдимизда шанба, якшанба бор. Балки, хокимлик бу кунларда ишламайди ва карорни жаноб Мавлонов душанба куни олади.

Бу лфттибоз сайлов комиссиялари Ўзбекистоннинг халкаро обрўсини тўкишдан бошка ишга ярамайди, деб хулоса килади мухбиримиз.