Андижонда сайлов конунлари бузиляпти

Кеча «Давра кенгаши» координатори, «Бирлик» Партиясининг Андижон вилоят ташкилоти раиси Акбаржон Орипов, унинг ўринбосари, Демократик ташаббуслар маркази вилоят бўлими раиси Дилшодбек Тиллахўжаев ва «Бирлик» Партиясининг Андижон туман ташкилоти раиси Исроилжон Холдоровлар вилоят сайлов комиссиясига бордилар. Уларни бу ерга келтирган муаммо куйидаги эди.

Андижон туманида тузилган сайловчиларнинг Ташаббус гурухи Хакан сайлов округидан Исроилжон Холдоровни вилоят кенгаши депутатлигига номзод килиб кўрсатиш борасидаги хужжатларни 16 октябрь куни Вилоят сайлов комиссиясига топширмокчи бўлганда, Комиссия котиби Махаммадкодир Кўчкаров уларни олишни истамаган экан.

18 октябрь куни Махаммадкодир Кўчкаров юкорида номлари зикр этилган кишиларни кабул килди ва Марказий сайлов комиссиясининг 2004 йил 15 сентябрдаги 197-сонли карорига кўра, ташаббус гурухларни рўйхатдан ўтказиш муддати 17 октябргача белгиланганлигини айтди. Бундан буён Ташаббус гурухлари тузиш мумкин эмасмиш.

Акбаржон Орипов ёзма маълумот беришни сўраганда, Кўчкаров рад жавобини берди. Шундан сўнг Кўчкоровга ёзма равишда мурожаат килинди. Аммо, Кўчкаров уни кабул килишдан бош тортди.

«Бирлик»чилар бу холатга янада аниклик киритиш учун 12- Андижон сайлов округига боришди. Бирок Округ сайлов комиссияси жойлашиши керак бўлган «Андижон енгил саноат политехника касб-хунар коллежи»да хеч кимни топиб бўлмади. Бу ерда «Хамма пахтага кетган» деган ёзувдан бошка хеч нарса йўк эди.