«Бирлик»нинг Мархамат туман раиси сўрок килинди

Бугун олган хабаримизга кўра, 24 август куни кеч соат 22 ларда, «Бирлик» Партияси Мархамат туман ташкилотининг раиси, шу ердаги 13 мактаб ўкитувчиси Мусажон Бобожонов туман Ички ишлар бўлимига олиб келиниб, Ички ишлар бўлими бошлиги Кобилжон Мадумаров ва туман прокурори Бахтиёр Йўлчиевлар томонидан сўрокка тутилган.

Бунга сабаб бўлган вокеа — «Бирлик»чининг Андижон вилоятидаги ўкитувчиларга, яъни хамкасбларига ёзган мурожаатномаси экан. Мурожаатномада, мактаб ўкитувчилари ўзларининг мустакил касаба уюшмасини тузишлари зарурлиги, ўз хукукларини тиклашлари, сув, электр энергияси, газ ва жамоат транспортидан бепул фойдаланишга эришишлари, маошлари 60 доллар эквивалентига тенглаштирилишини талаб килишлари кераклиги ёзилган. Мусажон Бобожонов ер солигини бекор килинишини хам талаб килади.

Мусажон Бобожоновни Мархамат туман Ички ишлар бўлимида бир соатдан ортик конунсиз ушлаб туришган.