Украина милицияси “Бирлик” фаолидан ўчини олди

Бу йил Украина парламенти – Олий Радага ўтказилган сайловларидан кейин зарғалдоқ инқилобчилар сафидаги сотқинлик туфайли бошланган жараёнларги қаршилик кўрсатиш мақсадида Юлия Тимошенко блоки Крешчатикда янгидан чодирлар шаҳарчаси қургани кўпчиликка маълум. Бу шаҳарчада “Бирлик” ҳам ўз чодирини тикканини хабарларимизда эълон қилгандик.

Ўша кунларда шаҳарчага келган милиционерлар ўзбекларнинг чодирига келиб “Биз ҳали сизларга кўрсатмиз” деб дўқ қилиб кетишган экан. Бугун Киевдан олинган хабарга кўра, улар уз таҳдидларини амалга оширишга бошлашибди. 10 сентябрдан 11 га ўтар кечаси Крешчатикдаги чодирда бир неча кунини ўтказган “Бирлик” Партияси фаоли Санжар Собиржонов ишлаётган ерга келган 2 милиционер аввалига уни калтаклашган, сўнгра Украина милициясининг махсус командаси “Беркут”ни чақириб, Санжарни Соломинский туман милициясига олиб кетишган. Уни бу ерда 24 соат ҳеч бир сабабсиз ушлаб туришган, ҳеч ким билан алоқа қилишга имкон беришмаган ва ниҳоят ҳеч бир айб ҳам қўймвсдан озод қилишган.

Милицидан чиққан Санжар Эмнисти Интернейшнл ташкилоти воситасида докторларга мурожаат қилгач, унга ўрта таража тан жароҳати етказилгани хусусида маълумотнома берилган.

“Украинадаги ўзбек сиёсий қочоқларига ёрдам бериш комитети” бу ҳодиса билан махсус шуғулланмоқда. Маҳаллий ва халқаро ҳуқуқ ҳимоячиси ташкилотларига ҳам бу хусусда хабар берилган. Улар ўам ўз каналлари орқали керакли ишларни қилажакалрини билдирдилар.

Шуни айтиш керакки, Украина ички ишлар вазири Кличко Юшченко командасидан бўлса ҳам, бу вазирлик ходилари ичида Янукович тарафдорлари етарлича бор. Уларнинг ўзбек қочқинларига муросабабти ўта салбий.