Камалган «Бирлик» фаоллaрига кўйилаётган айблар хакида

Аввалги хабарларимиздан маълумки, бир гурух мухолифат вакилларига карши «Бирлик» Партиясининг Андижонда хукумат томонидан уюштирган хунрезликни кораловчи баёнотини таркатганлари учун жиноий иш кўзготилган ва улар камаокка олинган. Куйида уларнинг исмлари:

Акбар Орипов, «Бирлик» партияси Андижон вилоят ташкилотининг раиси.

Мусажон Бобажонов, «Бирлик» партияси Мархамат туман ташкилотининг раиси.

Нурмухаммад Азизов, «Бирлик» партияси Шахрихан шахар ташкилотининг раиси.

Дилмурод Мухиддинов, «Эзгулик» жамиятининг Мархамат туман бўлими раиси, «Бирлик» фаоли.

Мухаммадкодир Отаханов, мустакил хукук химоячиси, «Бирлик» Партияси фаоли.

Шу жиноий иш бўйича «Бирлик» Партияси Бош котиби, «Эзгулик»нинг раиси Васила Иноятова, «Бирлик» Партияси раисининг ўринбосари Хамдам Сулаймонов, «Эзгулик»нинг Андижон вилоят бўлимининнг раиси Музаффармирзо Исхоковлар хам таъкиб килинмокда. Хамдам Сулаймонов ва Музаффармирзо Исхоковларни камаш хакида санкция берилгани айтилди, аммо бу хабар хали прокуратура томонидан тасдикланмади. Уларнинг адвокати Кычкор Сотволдиев хам ызиги бу хакда хабар билдирилмаганини айтди.

Камалган ва таъкиб килинаётганларнинг хаммасига Ўзбекистон Жиноят Кодексининг 158, 159, 242 (2-кисм), 244’ (1-кисм) моддалари бўйича айб кўйилмокда. Ушбу моддалар Жиноят Кодексида шундай ифодаланган:

158-модданинг 1-кисми. Ўзбекистон Республикаси Президентининг хаётига тажовуз килиш – 10 йилдан 20 йилгача озодликдан махрум килиш билан жазоланади;

159-модданинг 4-кисми. Хокимиятни босиб олиш ёки Ўзбекистон Республикаси конституциявий тузумини агдариб ташлаш максадида фитна уюштириш – 10 йилдан 20 йилгача озодликдан махрум килиш билан жазоланади;

242-модданинг 2-кисми. Уюшган куролли гурух тузиш, шунингдек, унга рахбарлик килиш ёки унда иштирок этиш – 10 йилдан 15 йилгача озодликдан махрум килиш билан жазоланади;

244′ (прим.)-модданинг 1-кисми. Диний экстремизм, сепаратизм ва акидапарастлик гоялари билан йўгрилган, киргин солишга ёки фукароларни зўрлик билан кўчириб юборишга даъват этадиган ёхуд ахоли орасида вахима чикаришга каратилган материалларни тайёрлаш ёки уларни таркатиш максадида саклаш, шундай харакатлар учун маъмурий жазо кўлланилганидан кейин содир этилган бўлса, – энг кам иш хакининг 50 бараваридан 100 бараваригача микдорда жарима ёки 3 йилгача ахлок тузатиш ишлари ёхуд 6 ойгача камок ёки 3 йилгача озодликдан махрум килиш билан жазоланади.