«Сохта мухолифатчи» Муҳаммад Солиҳ нега ўғлини Афғонистон ва Эронга жўнатди?

Муҳаммад Солиҳ ўзининг «Сохта мухолифчиларга» номли чиқишида «Бирлик» ҳаракати раҳбари Абдураҳим Пўлатов, Абдуманноб Пўлатов, Жаҳонгир Муҳаммад, Дадахон Ҳасан, мен ва ҳатто ўғлим Отабек ҳақида ҳам гапириб, турли ёлғонларни тарқатди.

Ушбу видеода мен унинг гапларига жавоб бераман ва Ўзбекистон демократик ҳаракати тарихидаги айрим муҳим воқеаларга яна бир бор тўхталаман.

Хусусан, қуйидаги масалалар ҳақида сўз юритаман:

— «Бирлик» ҳаракати ва унинг раҳбарлари ҳақидаги даъволар;
— Ислом Каримов билан Муҳаммад Солиҳ ўртасидаги муносабатлар ва сиёсий таклифлар;
— 1992 йилдаги сиёсий воқеалар ва мухолифатнинг тақдири;
— Ўғлим Отабек Ахуновнинг Швецияда эришган ютуқлари ҳақида «Янги Ўзбекистон» газетасида чоп этилган мақола;
— Муҳаммад Солиҳнинг ўғли Темур билан боғлиқ Эрон ва Афғонистон сафарлари ҳақида тарқалган маълумотлар ва улар юзасидан туғиладиган саволлар.

Мен учун бу баҳс шахсий муносабатлар масаласи эмас. Гап Ўзбекистон демократик мухолифати тарихини тўғри ёритиш, воқеаларни холис баҳолаш ва тарихий ҳақиқатни аниқлаш ҳақида кетмоқда.

Тарихни кимдир ўз хоҳишига қараб қайта ёзмаслиги керак. Ўша воқеаларнинг бевосита иштирокчилари сифатида биз ўз билганларимизни айтишга масъулмиз.

Пўлат Ахунов
«Бирлик» етакчиси