19 May 2022
02:04 - Шу йил 1 июнь бошлаб, тиббиёт ходимларининг маошлари 10-15 фоизга, қолганларники эса, кейинчалик ПРЕЗИДЕНТ тарафидан оширилармиш. Шунга ишонадиганлар борми, Жаноб Шавкат Мирзиё?
Президент фармонига кўра, 1 июндан бошлаб олий ва биринчи тоифали тиббиёт ва фармацевтика ходимларининг маоши 15 фоизга, иккинчи тоифали ва тоифаси йўқ ходимларнинг маоши 10 фоизга оширилармиш!?. Алоҳида натижаларга эришган соҳа вакилларига 100 фоизгача, ёш шифокорларга 1 млн сўмгача ойлик устама ТЎЛАНАРМИШ!?

Президент “Тиббиёт муассасалари ходимларини моддий қўллаб-қувватлаш ҳамда рағбатлантиришни кучайтириш чора-тадбирлари тўғрисида” фармон имзолабди. Бу ҳақда Молия Вазирлиги Матбуот Хизмати маълум ҚИЛИБДИ.

Ҳужжатга кўра, 2022 йил 1 июндан бошлаб давлат тиббиёт муассасалари тиббиёт, фармацевтика ва бошқа ходимларининг ойлик лавозимлари қуйидагича ОШИРИЛАРМИШ:

- олий ва биринчи малака тоифаларига эга тиббиёт ва фармацевтика ходимлари учун – 15 фоизга;

- иккинчи малака тоифасига эга ва тоифага эга бўлмаган, шунингдек, бошқа тиббиёт ва фармацевтика ходимлари учун – 10 фоизга;

- тиббиёт муассасаларининг бошқа ходимлари учун – 15 фоизга оширилрмиш.

Бунда, тиббиёт муассасаси ходимларининг тариф ставкаларини ҳисоблаш амалдаги меҳнатга ҳақ тўлаш разрядлари бўйича тариф коэффициентларини тегишинча 1,15 ва 1,1 баробарга кўпайтириш орқали амалга ОШИРИЛАРМИШ.

Фармонга асосан, соҳа ходимларига қуйидагича устамалар тўланадиган БЎЛАРКАН:

- ходимларни моддий рағбатлантиришга ажратилган маблағлар ҳисобидан давлат тиббиёт муассасасининг юқори малакали, алоҳида натижага эришган, ҳалол ва виждонан ишлаётган тиббиёт ҳамда фармацевтика ходимларига ойлик лавозим маошининг 100 фоизигача ҳамда бошқа ходимларга 75 фоизигача ойлик устамалар ТЎЛАНАР ЭКАН;

- янги иш бошлаган салоҳиятли ёш шифокорларга 1 миллион сўмгача махсус ойлик устамалар БЕРИЛАР ЭКАН;

- оилавий шифокор пунктлари, оилавий поликлиникалар ва кўп тармоқли марказий поликлиникаларда кундузги стационар иш вақтини соат 20:00 гача узайтириш ҳисобига иккинчи сменада ишловчи шифокор ҳамда ҳамшираларга лавозим маошининг 30 фоизигача ойлик қўшимча устамалар БЕРИЛАР ЭКАН.

Эндиликда барча тиббиёт ходимлари Давлат Бюджети маблағлари ҳисобидан дастлабки ва даврий тиббий кўрикдан бепул ЎТКАЗИЛАРМИШ!? Тиббиёт ходимлари йилда бир марта театр ва концерт томошаларига бепул олиб БОРИЛАРМИШ!?
Тиббиёт муассасаларида ССВ томонидан белгиланадиган рўйхатга мувофиқ юқори технологик мураккаб операцияларни бажарган шифокор-хирурглар лавозим маошининг 25 фоизи миқдорида қўшимча устама жорий ЭТИЛАРМИШ.

2022 йил 1 сентябрдан бошлаб, даволаш-профилактика муассасаларининг ходимларига уларнинг тиббиёт соҳасидаги илмни ривожлантиришга қўшаётган ҳиссасини инобатга олган ҳолда, Давлат Бюджети маблағлари ҳисобидан Фан Доктори (Doctor of Science) илмий даражаси учун лавозим маошининг 60 фоизигача ва фан номзоди ёки фалсафа доктори (PhD) илмий даражаси учун лавозим маошининг 30 фоизигача миқдорда ҳар ойлик қўшимча ҲАҚ ТЎЛАНАРМИШ.

2022 йил 1 июлдан бошлаб вилоятлар ҳамда Тошкент шаҳридан, шунингдек, хорижий давлатлардан Қорақалпоғистон Республикасининг Тахтакўпир, Чимбой, Қораузак, Бўзатов, Шуманай, Қўнғирот туманларига бориб ишловчи шифокорларнинг ойлик лавозим маошига дастлабки уч йил давомида 100 фоиз, Мўйноқ туманида эса 200 фоиз миқдорида қўшимча ҳар ойлик устама тўловлари Давлат Бюджети маблағлари ҳисобидан ТЎЛАНАРМИШ. Бу устамаларни олиш учун шифокор бошқа ҳудудда камида икки йил ишлаган ҳамда камида иккинчи даражали малака тоифасига эга бўлган бўлиши ЛОЗИММИШ.