27 November 2021
16:12 - Нью-Йоркда коронавируснинг янги штамми сабабли 2022 йил 15 январгача фавқулодда вазият эълон қилинди

АҚШнинг Нью-Йорк губернатори Кэти Хочул коронавируснинг янги штамми аниқлангани сабабли штатда фавқулодда вазият режимини эълон қилиб, ўз фармонида қуйидагиларни ёзибди:

“Мен, Кэти Хочул, Нью-Йорк штати губернатори, конституция ва Нью-Йорк штати қонунларида берилган ваколатлар доирасида 2022 йил 15 январгача бутун Нью-Йорк штатида фавқулодда вазият режимини эълон қиламан”.

Шунингдек, АҚШ Президенти Жо Байден мамлакат 29 ноябрдан Африканинг саккиз давлати билан авиақатновларни чеклашини ҳам маълум қилибди.

ЖССТ маълумотига кўра, B.1.1.529 штамми илк марта 24 ноябрь куни Жанубий Африка Республикасида аниқланган экан.