14 October 2019
21:26 - Kun.uz Интернет нашри Туркиядаги исломчилар режимини ҳимоя қилиш учун қандайдир европалик Анна Юзел воситасида масхарабозлик қилишга ўтибди. Улар жазоланиши керак!
Бугун Kun.uz Интернет нашри Туркияда бор-йўғи 4 йилдан бери адвокатлик билан шуғулланаётган қандайдир Анна Юзел исмли, расмига қараганда европалик аёлнинг исмини Анна Ўзэл деб кўрсатиб, унинг Туркияда ҳуқуқ соҳасидаги аҳвол, жумладан, Туркия парламентининг исломчи депутати Ширин Уналнинг уйида хизматкорлик қилаётган ўзбекистонлик аёл Нодира Қодирова ўша депутатнинг тўппончаси билан ўзини-ўзи ўлдиргани ҳақидаги ўта шубҳали воқеага ҳам, ҳамма нарсани биладиган инсондек баҳо берувчи мақоласини эълон қилди.

Билмаганлар билиб қўйишлари керакки, шу йил баҳорда ўтказилган маҳаллий сайловларда Туркиянинг 6 та энг катта шаҳар ва вилоятидан 5 тасида отатуркчиларнинг Жумҳурият Халқ Партиясининг номзодлари ғалаба қозонган бўлсалар ҳам, давлатнинг ҳамма идоралари жорийдаги Президент Ражаб Эрдўғаннинг исломий фанатизмни ҳимоя қилиш билан шуғулланадиган Адолат ва Тараққиёт Партияси қўлига ўтиб бўлган ва бу идоралар Адолат ва Тараққиёт Партиясининг ҳар қандай буйруғини бажаришга тайёрлар ва буни амалда кўрсатмоқдалар. Тўғри, исломчилар Истанбулда ўз номзодларини ҳокимликка сайлатиб олиш учун роса ҳаракат қилдилар, аммо отатуркчиларнинг қўли баланд келди.

Масалан, шу партиянинг топшириғи билан жуда кўп миллатпарвар сиёсатчилар, ҳарбийлар, ўқитувчилар, журналистлар шу асрнинг бошларида узоқ йилларга қамоққа ташланган эдилар. Аммо, Фатхулла Гулен раҳбарлигидаги Хизмат Ҳаракатига қарши кампания бошлангандан кейин, унинг ўнг минглаб аъзолари қамоққа ташланди ва аввал қамоқққа ташланган миллатпарварларларнинг бир қисми озод қилинди. Кўринишидан, фатхулла-гуленчиларни қамоққа ташлаш учун қамоқхоналарда жой қолмаган. Ўшанда озод қилинганлар ичида Туркия Қуролли Кучлари Бош штабининг собиқ бошлиғи Илкер Бошбуғ ҳам борлигини айтиш жуда муҳимдир.

Шундай экан, Туркиядаги ҳақиқий аҳволни билмайдиган ва тушунмайдиган Анна Юзел исмли европалик аёлнинг ҳамма гаплари оддий валдирашдан бошқа нарса эмаслиги ўз-ўзидан маълум. Агарда шунақа мақола Туркияда чиқса эди, бутун халқ хаҳолаб кулган бўларди.

Анна Юзел эса, Туркияда ҳақиқий ҳуқуқ системаси борлиги, ҳеч ким бу система ходимларига ҳеч қандай буйруқ беролмаслиги ҳақида эртаклар айтиб ва биронта аниқ мисол келтиролмасдан, Ўзбекистон халқи учун оғзига келганини айтиб вайсайверган.

Агарда Туркияда адолатнинг уруғи бўлганда, бундай мақоладан кейин Анна Юзел (гўёки Анна Ўзэл) адвокатликдан улоқтирилиши керак эди. У эси паст аёл Нодира Қодированинг иши бўйича айтган қуйидаги сўзлари жиноий иш ҳам очиш учун асос бўлолади: “Ижтимоий тармоқларда бу иш бўйича заҳарлаш кузатилмоқда. Биласизми, ижтимоий тармоқдагилар, улар иш материаллари билан таниш эмас, улар барчаси (воқеа – “Ҳаракат”) қаерда рўй берганини, иштирокчиларини ҳам билишмайди, ҳар бир инсон бундан фойдаланишга уринади.”

Сўнги вақтларда Ўзбекистонда сўз эркинлигининг рамзи деб баҳоланишга бошланган Kun.uz Интернет нашри ҳам бундай мақолани эълон қилиб, мамлакатимиз халқини алдашга урингани учун жазосини олиши керак.