01 October 2019
16:22 - АҚШ Сенат раиси, республикачи Митч Макконнелл Доналд Трампни импичмент қилиш масаласини кўриб чиқишга мажбур бўлишларини билдирди
Бу мамлакатнинг CNBC телеканалига асосланиб тарқатилаётган хабарларга кўра, АҚШ Конгрессининг юқори палатаси Сенат раиси Митч Макконнелл, агар қуйи палата – Вакиллар Уйи Доналд Трампни импичмент қилиш қарори чиқарса, биз ҳам бу масалани кўриб чиқишга мажбур бўламиз дебди.

У импичмент масаласи қабул қилинган қоидалар доирасида кўриб чиқилишини айтар экан, бу жараён қанча давом этишини билмаслигини урғулабди.

Эслатиб ўтиш керакки, Вакиллар Уйида кўпчиликни ташкил қилувчи Демократик Партия депутатлари Доналд Трампнинг Украина Президени Зеленский билан 25 июлдаги телефон суҳбати пайтида, Доналд Трамп ўзининг шахсий манфаатларидан келиб чиқиб, Зеленскийдан собиқ АҚШ вице-президенти Байден ва ўғлининг Украинада олиб борган ишларини чуқур текширишни талаб қилгани ҳақидаги иддаолар асосида жорийдаги президентга қарши импичмент эълон қилиш жараёнини бир ҳафтача аввал бошлаган эдилар.

2016 йилдаги президент сайловлари олдидан ҳамма катта оммавий ахборот воситалари Доналд Трампга қарши чиққанлари каби, ҳозир ҳам айнан шундай бўлмоқда. Кўпчилик Доналд Трампни импичмент қилиш тарафдори экандек кўринмоқда.

Бу жуда муҳим жараён бўлишига қарамасдан, “Ҳаракат” Агентлиги шу пайтгача бу мавзуни умуман тилга олгани йўқ. Чунки, 2016 йилда бўлгани каби, ҳозир ҳам Доналд Трамп ғалаба қозониши шубҳасиз эканлигини биламиз ва бошланган импичмент жараёнини амирконча масхарабозлик деб ҳисоблаймиз.

Бизнинг тахминимизга кўра, Вакиллар Уйи ҳам импичмент қарори чиқармайди ва бу масала Сенатга етиб бормайди. Етиб борса ҳам, у ерда импичмент қарори тасдиқланмайди, Доналд Трамп яна ғалаба қозонган бўлади.