11 September 2019
18:43 - 18 йил аввал, айнан шу кун АҚШда энг буюк исломий терактлар уюштирилган эди

Ҳозир АҚШнинг шарқий қисмида вақт эрталаб соат 10 атрофида. Яна бир неча соатдан кейин 2001 йил 11 сентябрь куни уюштирилган исломий террористик ҳужумларнинг 18 йиллиги бўлади, дейиш мумкин.

Расмда ўша куни Нью Йоркда иккита учоқ билан урилган 2 та осмонўпар бинони кўрмоқдасиз. Улар 1 соатча вақт ўтар-ўтмас ўпирилиб тушганлар. Учинчи учоқ пойтахт Вашингтоннинг биқинидаги Пентагон биносини урган эди. Террористларнинг қўлида бўлган тўртинчи учоқ Пенсилвания штатида уриб туширилган ёки ўзи қулаб тушган.

Ўшанда ҳаммаси бўлиб, 3 мингга яқин одам ҳалок бўлган. Бугун ҳаммамиз ўша даҳшатли ва қонли воқеаларни эслашимиз ва бундан кейин бундай воқеаларга йўл бермаслик кераклигини ўйлашимиз керак.

Биз узоқ йиллардан бери ислом терроризмининг илдизлари Қуръоннинг 8-чи асрда қилинган хато тафсиридан келиб чиқувчи хато тушунчаларда эканлигини, ислом терроризмини бутунлай тўхтатишнинг ягона йўли – Ислом динида фундаментал ислоҳотлар ўтказиш ва Ислом дини дунёвийлик/секуляризм принципини қабул қилишига эришиш эканлигини тўхтамасдан айтиб ётибмиз. Минг афсуски, Ислом уламолари ҳалигача бу оддий ҳақиқатни тушунмаяптилар. Демак, улар билан ишлашни ҳам давом эттираверамиз.

18 йил аввал ҳалок бўлганларнинг жони жаннатда бўлсин деб дуо қилишимиз ҳам давом этаверади.