20 March 2019
22:14 - Туркия Президенти Ражаб Эрдўған ниҳоят “Бирлик” Партияси раиси Абдураҳим Пўлатга жавоб берди: “Турк халқи Истанбулнинг Константинополга айланишига йўл қўймайди!”

Ўзбекистон “Бирлик” Халқ Ҳаракати Партияси раиси Абдураҳим Пўлат Туркияда 2017 йил 16 апрелда ўтказилган референдум арафасида, аниқроғи, 5 апрелда турк халқига турк тилида мурожаат қилганди. Агар, дейдилади бу мурожаатда, Ражаб Эрдўғаннинг исломчилар партияси Туркияни исломлаштиришни давом эттираверса, бутун дунё бундай Туркияга қарши бирлашиши ва Усмонли Халифат каби Туркия ҳам чўкиши, Истанбул Константинополга айланаши муқаррардир. Ҳокимият қайтадан отатуркчилар қўлига ўтсагина Туркия дунёвий давлат сифатида олға кетишни давом эттиролади.

Шу кунларда Янги Зеландияда 2 мачитга террористик ҳужум уюштирилиб, 50 мусулмон ҳалок бўлгандан кейин ва террористларнинг биттаси Австралиялик эканлиги маълум бўлгач, Туркия Президенти Ражаб Эрдўған Чаноққала бўғозида турклар Отатурк раҳбарлигида Ғарб қўшинлари устидан қозонган ғалабанинг 104 йиллги муносабати билан сўзлаган нутқида Янги Зеландиядаги террорни қоралаш билан бир қаторда, Янги Зеландия ва Австралияда мусулмонларга қарши кайфият кучайиб бораётганини ҳам тилга олиб, кутилмаганда, “Турк халқи Истанбулнинг Константинополга айланишига йўл қўймайди” дейишгача борди. Ваҳолангки, Ғарбда ҳеч ким Истанбул Константинопога айланиши мумкинлигини ҳам гапирмаган эди.

Буни гапирган фақат Абдураҳим Пўлат эди. Демак, “Бирлик” лидерининг 2017 йил апрель ойидаги референдумдан олдин тарқатган чақириғи Эрдўғонга ҳам бориб етган ва у ўз аламини Янги Зеландиядаги мусулмонларга қарши уюштирилган террористик ҳужумлар баҳонасида чиқариб олмоқчи бўлган.

Ражаб Эрдўғаннинг бу гаплари Турк Дунёсида ҳам кенг тарқалди. Аммо, унинг Константинопол ҳақидаги гаплари Абдураҳим Пўлатга жавоб эканлигини жуда кам одам тушунди. Демак, тушунтириш билан махсус шуғулланиш керак ва биз ушбу хабар воситасида ҳам шундай қилмоқдамиз.